HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 59 2881 Zevât-ı müşârunileyhimin gâyet bî-tarafâne olarak tanzîm eyledikleri raporun son fıkrası muhâ- sebenin genç şefi ile rüfekâ-yı mesâʻîsi hakkında şu takdîrkârâne cümlelerle nihâyet buluyor: "-Komisyonumuz tedkîkâtını ikmâl ederken vazîfesindeki ihtimâm ve dürüstî ile takdîr ve mu- habbetimizi isticlâb etmiş olan Muhâsebe Müdürü Ziya Bey ile rüfekâ-yı mesâʻîsine heyʼet-i umûmi- ye muvâcehesinde teşekkür etmeği bir vazîfe-i kadir-şinâsî addeyleriz". Muhâsebe-i merkeziyeyi pek mütehassis ve minnetdâr kılan bu satırların merkez-i umûmîmiz- ce de bir hiss-i memnûniyetle okunmuş olacağında şübhe yokdur. _______________ İstanbul Vilâyeti Umûmî ve Fevkalâde Hilâl-i Ahmer Kongresi Ahîren Ankara'da inʻikâd eden Hilâl-i Ahmer meclis-i umûmîsince müttehaz karâra tevfîkan Beyoğlu ve Üsküdar Hilâl-i Ahmer merkezlerinin şuʻbe hâline ifrâğıyla İstanbul vilâyeti merkezinin yeniden teşkîli için Haziran'ın yirminci Salı günü sâʻat altı buçukda Dârülfünûn Konferans Salonu'n- da fevkalâde kongre üç vilâyet Hilâl-i Ahmer aʻzâsının iştirâkiyle akdedilmişdir. Hâzır bulunanların büyük bir ekseriyet teşkîl etdiği anlaşılarak kongre, İstanbul Vilâyeti Reîsi Doktor Ali Paşa tarafından açılmış ve nizâmnâme mûcebince reʼy-i hafî ile kongre riyâsetine İbrahim Talîʻ, reîs-i sânîliğe Ziya ve kâtibliğe Doktor Hikmet Beyler intihâb edilmişlerdir. Müteʻâkiben yeni İstanbul merkezinin teşkîli için reʼy-i hafî ile icrâ kılınan intihâbda tasnîf-i ârâ netîcesinde ber-vech-i zîr zevât isimleri hizâlarındaki reʼy ile ihrâz-ı ekseriyet ederek İstanbul Vilâyeti Hilâl-i Ahmer Merkezi aʻzâlıklarına intihâb olunmuşlardır: Esâmî Ârâ Şemseddin Bey İlâhiyât Fakültesi Reîsi ve Cumhûriyet Halk Fırkası İstanbul Meclis-i İdâre Reîsi 267 Ziya Bey Cumhûriyet Halk Fırkası Beyoğlu Meclis-i İdâre Reîsi 267 [533] Doktor Neşet Ömer Bey Tıb Fakültesi Reîsi, Müderrisi 266 Doktor Burhaneddin Bey İstanbul Sıhhiye ve Muʻâvenet-i İctimâʻiye Müdürü 266 Doktor Nureddin Ali Bey Dârülfünûn Emîni, Müderrisi 266 Doktor Ömer Lütfi Bey Gurebâ Hastahânesi Sertabîbi 265 Sadiye Halil Hanımefendi Müze Müdürü Halil Beyefendi'nin refîka-i muhteremeleri 265 Doktor Neşet Ömer Bey İstanbul Sıhhiye ve Muʻâvenet-i İctimâʻiye Müdür Muʻâvini 264 Hüseyin Bey Ticâret ve Sanâyiʻ Odası Reîsi 263 Safiye Hüseyin Hanımefendi - 263 Doktor Ali Paşa İstanbul Hilâl-i Ahmer Merkezi Reîsi 262 Doktor Tevfik Salim Bey Gülhane Hastahânesi Müdürü, Müderrisi 262