HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 50 2472 Bu sûretle inhilâl eden muhâsebeciliğe Muʻâvin Ziya Bey intihâb edilmişdir. Ziya Bey zekâsı, fikren ve rûhen Hilâl-i Ahmer'e fart-ı merbûtiyeti ve fazîlet-i etvârıyla celb-i kulûba muvaffak olmuş bir gençdir. Ziya Bey'e halef olmak üzere muhâsebenin muktedir meʼmûrlarından Emin Şumiç Bey intihâb edilmişdir. _______________ Merkez-i Umûmî Aklâm ve Şuʻabâtı Merkez-i umûmî aklâmı muvakkaten Çırağan'da Hilâl-i Ahmer anbârına nakletmişdir. Tahliye edilen binânın birinci katına İstanbul Hilâl-i Ahmer Merkezi, ikinci katına Hanımlar Merkezi naklet- mek üzeredir. Üçüncü katın bir kısmı kemâkân Hilâl-i Ahmer Mecmûʻası 'na tahsîs edilmişdir. _______________ Akd-i Müteyemmen Hilâl-i Ahmer Merkez-i Umûmî aʻzâsından Doktor Mehmed Ali Beyefendi'nin kerîmeleri Zeh- ra Hanımefendi ile Haseki Nisâ Hastahânesi Sereczâcısı Nezareddin Beyefendi'nin akidleri Teşrîn-i Evvel'in birinci Perşembe günü müşârunileyh Mehmed Ali Bey'in Cağaloğlu'nda kâin hânelerinde icrâ edilmişdir. Tarafeyne saʻâdet temennî ederiz. _______________ Şîr u Hûrşîd-i Sürh-i İran Şîr u Hûrşîd-i Sürh-i İran nâmını alan İran Hilâl-i Ahmeri'nin vâsıta-i neşriyâtı olmak üzere ahîren aynı isimde aylık bir mecmûʻa intişâra başlamışdır. Bu mecmûʻanın elimize geçen ilk nüshasında Solférino sahrâlarından doğan nûr-ı şefkat hakkın- da bir târîhçe yapıldıkdan sonra Hilâl-i Ahmer'imizin de sûret-i teşekkülüne dâir îzâhât ve maʻlûmât verilmekdedir. 22 Ağustos 1864 târîhli Cenevre Mukâvelenâmesi'ni 5 Kânûn-ı Evvel 1874 târîhinde kabûl ve tasdîk eden İran, 11 Kânûn-ı Evvel 1924 târîhinde Beynelmilel Salîb-i Ahmer Komitesi tarafından resmen Salîb-i Ahmer Cemʻiyetleri âilesine idhâl edilmiş idi. Mecmûʻa, Şîr u Hûrşîd-i Sürh-i İran refikine muvaffakiyet ve tûl-i ömür temennî eder. _______________ İstanbul Merkezi Yeniden teşekkül eden İstanbul Hilâl-i Ahmer Merkezi, başkitâbete merkez-i umûmî meʼmûrî- ninden Cevdet Fehim Bey'i ve muhâsebeciliğe Mehmed Vâhid Bey'i, veznedârlığa Cevdet Bey'i in- tihâb etmişdir. _______________