HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 50 2473 [210] İzmir Hilâl-i Ahmer Merkezleri Dispanserleri İzmir Hilâl-i Ahmer Merkezi idâresinde bulunan üç dispansere Eylül ayı zarfında mürâcaʻat eden hastalar: Aded 1 numaralı İkiçeşmelik Dispanseri'ne 2.438 2 numaralı dispansere 497 3 numaralı dispansere 757 Yekûn 3.692 İstanbul Dispanserleri Şehr-i Eylül zarfında Hilâl-i Ahmer İstanbul dispanserlerine mürâcaʻat edenler: Fatih Dispanseri'ne 871 Üsküdar Dispanseri'ne 810 Yekûn 1.681 Bursa Merkezi Bursa Hilâl-i Ahmer Merkezimiz [1]339 [1923], [1]340 [1924] seneleri zarfında 34.567 lira vâridât teʼmînine muvaffak olmuş, mesâib-i harbiyeden müteessir olan memleket ve mülhakât ahâlî- sine, mahallî teşkîlât-ı sıhhiyesine, üserâ âilelerine, harîkzedegân ve muhtâcîne muʻâvenet-i lâzımeyi îfâ etdiği gibi heyʼet-i merkeziye için 510 lira bedelle mükemmel bir binâ satın almış ve merkez-i umûmîye nakden 8.351 lira irsâl eylemişdir. _______________ Dinar hareket-i arz musâbîninden açıkda kalanların barınması için Eskişehir anbârından Dinar Hilâl-i Ahmer Merkezi'ne elli çadır irsâl edilmişdir. *** Muhtâcîne tevzîʻ edilmek üzere Alaşehir'e iki kilo kinin gönderilmişdir. *** İzmir Hilâl-i Ahmer Merkezi'nin [1]341 [1925] senesi ikinci altı aylık büdcesi heyʼet-i idârece tasdîk olunmuşdur. *** Dişçi Mektebi meʼzûnlarından Feyzullah Bey, Üsküdar Dispanseri Fahrî Diş Tabîbliği'ne taʻyîn kılınmışdır. _______________