HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 50 2474 Fukarâ-yı halka tevzîʻ olunmak üzere Armudlu Hilâl-i Ahmer Şuʻbesi'ne bir kilo kinin gönde- rilmişdir. _______________ Akçaşehir'de vukûʻ bulan harîkden açıkda kalan yüzü mütecâviz hâne halkı için şimdilik beş yüz kişi istîʻâbına kâfi çadırlarla berâber nakden beş yüz liranın bir meʼmûr vedâʻatıyla irsâline ve alınacak maʻlûmât-ı mütemmimeye göre yeniden muʻâvenet icrâsına karâr verilmişdir. _______________ Seydişehir'in Dalaman karyesinde vukûʻ bulan harîkden açıkda kalanlar için Eskişehir Hilâl-i Ahmer anbârından yetmiş beş çadır irsâl edilmişdir. SALÎB-İ AHMERLER HAVÂDİSİ Yunan Yunanistan'da Loryon şehrinde mekteb talebesiyle maʻden amelesi arasında trahom hastalığı- nın tevessüʻ ve intişâr etmesine mebnî Yunan [211] Salîb-i Ahmeri'nin şehr-i mezkûrda küşâd etdiği dispansere şimdiden 160 hasta kayıd ve kabûl edilerek tedâvîleri icrâ ve muʻâleceleri meccânen iʻtâ edilmekdedir. Mezkûr dispansere iki mütehassıs tabîb ile bir tıb talebesi ve iki hastabakıcı taʻyîn edilmiş ve mürâcaʻat edenlerin mikdârı günden güne tezâyüd etdiğinden dispanserin tevsîʻi de düşünülmüşdür. Trahoma dûçâr olan talebenin mikdârı yüzde elliyi tecâvüz etdiğinden Yunan Salîb-i Ahmeri sirâyet tehlikelerini ve maraz-ı mezkûrun netâyic-i meşʼûmesini, tahaffuz çârelerini îzâh maksadıyla vesâ[yâ]-yı ameliyeyi hâvî umûm halka taʻlîmât tevdîʻ etmişdir. Yunan Salîb-i Ahmeri'nin sulh faʻâliyeti meyânına idhâl edilen bu mesâʻî, hükûmet ile matbûʻât ve halkın takdîrât-ı mahsûsasını mûcib olmuşdur. Maʻârif Nezâreti ve hastalığa musâb olan bazı nevâhî trahom dispanserleri küşâd edilmesi için cemʻiyet nezdinde teşebbüsât-ı musırrânede bulunmakdadır. Bir tabîb dâire-i teftîşi dâhilinde bulu- nan mekteblerde trahomlu talebenin yüzde doksana bâliğ olduğunu beyân etmişdir. _______________ Hindistan Hind Salîb-i Ahmeri'nin geçen 24 Haziran'da Simla'da ictimâʻ eden meclis-i muhtelitine takdîm edilen senelik raporun kırâat ve münâkaşası esnâsında Hindistan Vâlî-i Umûmîsi Kont Reding îrâd etdiği nutukda: "-Salîb-i Ahmer Cemʻiyeti'nin bi'l-cümle gayret ve mesâʻîsi himâye-i etfâl ile ictimâʻî hıfzıs-