HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 50 2475 sıhhanın taʻammüm ve intişârı gibi iki mühim gâyeye tevcîh edilmesi muktezîdir. Bu iki nokta-i nazardan Hindistan'ın hâl-i hâzırı nazar-ı mütâlaʻaya alınacak olursa bu derece vâsiʻ bir programa mâlik ve bu programın mevkiʻ-i fiʻle vazʻı hâlinde bu derece hâiz-i ehemmiyet diğer bir teşkîlâtın mevcûdiyetine şübhe etmek lâzım gelir" demişdir. Hind Salîb-i Ahmeri'nde hastabakıcılık, ilk imdâd ve muʻâvenet ve âile hıfzıssıhha derslerine müdâvimlerin mikdârı şâyân-ı kayıd bir dereceye vâsıl olmuşdur. Cemʻiyetin faʻâliyetine dâir neşrolunan raporda 732 sınıfa devâm eden 11.384 kişiden 7.387'sine şehâdetnâme verildiği ve ilk imdâd ve muʻâvenet derslerine en çok devâm edenlerin terbiye ve taʻlîm cemʻiyetleriyle polis ve şimendifer meʼmûrları olduğu mezkûrdur. _______________ Şark-ı Karîb Heyʼeti'nin Pire'deki Deposu Amerika Şark-ı Karîb Muʻâvenet Heyʼeti'nin Pire'de kâin büyük bir anbârı muhterik olmuşdur. Yanan binâ dâhilinde mevcûd meʼkûlât, elbise ve edviyenin kıymeti bir milyon dolar tahmîn edil- mekdedir. _______________ Bulgaristan Amerika Salîb-i Ahmeri, Bulgar muhâcir ve mültecîlerine sarf edilmek üzere Bulgar Salîb-i Ahmeri'ne 5.000 dolar göndermişdir. Amerika Salîb-i Ahmeri 1924 senesi Kânûn-ı Evvel'inde aynı maksada sarf edilmek üzere 10.000 dolar irsâl etmiş idi. _______________ Telsiz Telefon Konferansları Salîb-i Ahmer Cemʻiyetleri Heyʼet-i İttihâdiyesi [212] Muʻâvenet Şuʻbesi faʻâliyet-i umûmiye- sine ve Ciraolo projesinin Cemʻiyet-i Akvâm'da taʻkîb etdiği safahâta dâir 23 Ağustos'da Eyfel Telsiz Telefon İstasyonu vâsıtasıyla bir musâhabe vermişdir. _______________ İsveç Geçen sene mevsim-i şitâda tayyâre hareketini son derece işkâl eden bir kar fırtınası esnâsında Budin Hastahânesi'ne nakletdiği ağır bir hastanın hayâtını kurtarmağa muvaffak olan İsveç Salîb-i Ahmer Tayyâre Pilotu Mösyö Cornelius'a karneci müessesesi mükâfaten 1.000 kron ile bir altın sâʻat ihdâ etmişdir. _______________