HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 50 2476 Hollanda Hollanda Salîb-i Ahmeri'nin yeniden teşekkül eden heyʼet-i merkeziyesi riyâsetine velîʻahd intihâb edilmişdir. _______________ Avusturya Avusturya Salîb-i Ahmeri'nin 1924 senesi vâridâtı 916.134.966 ve masârıfı 1.392.022.466 kro- na bâliğ olmakdadır. _______________ Beynelmilel Çocuk Kongresi İlk Beynelmilel Çocuk Kongresi 24 Ağustos'dan 28 Ağustos'da kadar Cenevre'de ictimâʻ et- mişdir. Salîb-i Ahmer Cenevre Merkez Komitesi'ni, Reîs Mösyö Ador ile diğer iki refîki temsîl etmiş ve Almanya, Arjantin, Belçika, Bulgar, Danzig ve Hatt-ı İstivâ, İspanya, Yunan, Macar, İtalya, Ja- pon, Hollanda, Panama, Peru, Lehistan, İsveç, İsviçre, Venezuela Salîb-i Ahmerleriyle Salîb-i Ahmer Cemʻiyetleri Heyʼet-i İttihâdiyesi işbu kongreye birer murahhas iʻzâm etmişdir. Bu münâsebetle Cenevre Beynelmilel Salîb-i Ahmer Komitesi kongreye iştirâk eden Salîb-i Ahmer murahhaslarını 27 Ağustos'da kabûl etmişdir. GENÇLİK SALÎB-İ AHMERİ Macaristan 1924-1925 sene-i tedrîsiyesi zarfında Macar Gençlik Salîb-i Ahmeri'nin aded-i aʻzâsı tezâyüd etmiş ve gençlik harekâtı mekâtib-i ibtidâiyede mazhar-ı inkişâf olmuşdur. 1924 senesinde 228 zümrede 82.000 aʻzâ mukayyed iken bugün 320 zümrede 110.000 aʻzâ mevcûddur. Bu muvaffakiyet kısmen yeni faʻâliyetlerinin ehemmiyet-i ictimâʻiyesini daha ziyâde idrâk eden zümrelere râciʻ olduğu gibi kısmen de makâmât-ı resmiye, çocuk ebeveyni, teşkîlât ve mües- sesât-ı hayriyenin Gençlik Salîb-i Ahmeri'yle daha fazla alâkadâr bulunmasına atfedilmekdedir. Diğer cihetden, konferanslar vâsıta-i ittihâz edilerek yapılan propagandalar vâsiʻ mikyâsda Gençlik Salîb-i Ahmer fikrinin ezhân-ı nâsda yer tutmasına yardım etmiş ve halkın teveccüh ve teş- vîkâtı gençlik harekâtındaki terakkiyâtı teshîl etmişdir. Esbâb-ı mesrûdeden mâʻadâ heyʼet-i idâre aʻzâsının ve bilhâssa Reîs-i Fahrî Arşidük Albert'in [213] birçok defa vilâyetleri dolaşarak zümreler mesâʻîsine nezâret ve bunların faʻâliyetini teşvîk ve teşcîʻ etmeleri de inkişâf-ı vâkıʻa diğer bir sebeb teşkîl eder. Gençlik Salîb-i Ahmeri'ne îfâ etdikleri