HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 50 2477 hidemâtı takdîren Maʻârif-i Umûmiye Nezâreti otuz muʻallime ayrıca birer teşekkürnâme gönder- mişdir. Macar Sanâyiʻ Madalyası'ndan nakış, işleme, dantela gibi el işlerine eski mevkiʻ-i şeref ve iʻti- bârını vermek için çocuklar ve bilhâssa genç kızlar teşvîk edilmek sûretiyle grupların faʻâliyeti bir kat daha inkişâf etmiş ve bu el işlerinin beyʻ ve fürûhtundan yüz milyon Macar kronu kadar bir meblağ teʼmîn kılınmışdır. Mekteb etıbbâsının ve terbiye-i bedeniye muʻallimlerinin muʻâvenetleriyle hıfzıssıhha sâhasın- daki terakkiyât son derece teshîl edilmişdir. Şahsî ve ferdî hıfzıssıhha ve ilk imdâd ve muʻâvenet derslerini "Vâlidenin ve Çocuğun Himâ- yesi" nâm müessesâtı ziyâretler taʻkîb etmekde ve ayrıca yapılan Sıhhat Müsâbakası'na iştirâk eden gençlerin vezin, kâmet ve muhît-i sadrîleri fevkalâde neşv ü nemâ bulduğu görülmüşdür. Vâlide ve Çocukların Himâyesi müessesâtına ve fukarâ ve muhtâcîn ve fakîr çocuklara on beş milyon kron kıymetinde 10.000'den fazla elbise gönderilmiş ve mühim mikdârda yiyecek tevzîʻ kı- lınmışdır. Macaristan'da ilk defa Mayıs'ın birinci günü bir Vâlide Günü olarak tesʻîd edilmişdir. Macar Gençlik Salîb-i Ahmeri Merkez Kütübhânesi'nde el-yevm 600 cild kitâb vardır. Bu kitâblar gençlik şuʻbelerinden vukûʻ bulacak taleb üzerine altı ay için iʻâre edilmekde ve her şuʻbe veya zümre yirmiden otuza kadar kitâb alabilmekdedir. _______________ Sırbistan Sırp-Hırvat-Slav Gençlik Salîb-i Ahmeri'nin son üç ay zarfında başlıca faʻâliyeti verem mücâ- delesine iştirâk etmiş olmasıdır. Veremle Mücâdele Cemʻiyeti'nin tabʻ etdirdiği bir risâle muʻallimlere tevzîʻ edilerek Mayıs'ın 29'undan 31'ine kadar mekteblerde verem hakkında konferanslar verilmişdir. Verem Cemʻiyeti'nin sûret-i mahsûsada tertîb ve tabʻ etdirdiği iʻlânlar çocuklarla sokaklarda gezdirilmiş ve üç gün devâm eden bu tezâhürât esnâsında çocuklar açık havâda yaşamışlar ve Sıh- hiye-i Umûmiye Nezâreti'nin muʻâveneti ile mekteblerini ve fukarâ meskenlerini tathîr etmişlerdir. Geçen sene yalnız Aleksenaç'da verilen el işleri dersleri bu sene diğer beş şehre teşmîl edilmiş ve yüz altmış muʻallim bu derslere iştirâk eylemişdir. Bu teşebbüsât netîcesi olmak üzere el işleri için yeniden dârüssınâʻalar teşkîline ve çocukların yapdığı işlerden bir sergi tertîbine mecbûriyet hâsıl olmuşdur. Belçika, Şili, Cemâhîr-i Müctemiʻa, Fransa, İngiltere, Japonya, İsviçre, Çekoslovakya mekteb- leriyle son sene zarfında teʻâtî edilen mektûblarda azîm terakkiyât müşâhede edilmekdedir. Muʻallimler arasında propagandayı teshîl etmek için Sırp Salîb-i Ahmer Merkez-i Umûmîsi, Gençlik Salîb-i Ahmeri'nin Gâye ve Usûlleri nâmıyla bir risâle neşretmişdir. _______________