HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 50 2478 Kanada Kanada'da Alberta Eyâleti Gençlik Salîb-i Ahmeri, [214] Gençlik Salîb-i Ahmeri aʻzâsından bulunan hasta çocukların dârülfünûn hastahânesinde tedâvîleri için hükûmet-i mahalliye ile dârül- fünûnun müsâʻadesini istihsâl etmişdir. Hükûmet, ilel ü emrâz-ı müzmineye mübtelâ çocuklar hakkında dahi tahkîkât icrâsını Gençlik Salîb-i Ahmeri'ne havâle etmişdir. _______________ Yunan Yunan Gençlik Salîb-i Ahmeri malaryaya karşı şiddetli ve faʻâl bir mücâdeleye başlamışdır. Te- dâbîr ve usûl-i vâkıyeyi gösterir halk lisânıyla yazılmış bir levha-i iʻlâniye mekteblere taʻlîkan teşhîr edilmekdedir. Bu levhadaki maʻlûmât ve îzâhâtı esâs ettihâz eden gençlik grupları anofellerin merâkiz ve menâbiʻ-i inkişâfı olan miyâh-ı râkideyi kurutuyorlar. Yunan Gençlik Salîb-i Ahmeri mevcûd-ı nakdinden malaryaya musâb fakîr talebeye kinin te- dârük ve tevzîʻ etmekdedir. Malaryaya karşı devâm eden bu mücâdelenin teʼmîn etdiği muvaffakiyet pek büyükdür. Gençliğin, Gençlik Salîb-i Ahmer Mecmûʻası 'nda intişârını en ziyâde arzu etdikleri makâlâtın mevzûʻu hakkında îrâd edilen suâle alınan cevâblar malaryaya karşı mücâdele vesâitinde daha fazla maʻlûmâta mâlik olmak merkezindedir. Yunanistan'ın aksâm-ı muhtelifesinden vârid olan maʻlûmâta nazaran bu âfetden muztarib olan- ların mikdârı gitdikçe tenâkus etmekde ve binâenaleyh çocukların sarf etdikleri gayret ve mesâʻî semeresini vermekdedir. _______________ MUKTEBESÂT Frengi Mücâdelesi Beyoğlu'nda frengi ile mücâdele etmek üzere Şefkat Kulübü nâmıyla bir kulüb teʼsîs edilmişdir. Bu münâsebetle küşâd resminde frengi mücâdele heyʼeti nâmına Nazım Şakir Bey şu nutku okumuşdur: "-Muhterem Efendilerim! Frengi nâmındaki maraz-ı akûrun nesl-i beşere karşı açdığı harb, asırlardan beri dâimî mağlû- biyetimizle müzmin ve hâlik bir tarzda devâm etmekdedir. Asırlardan beri bütün beşeriyetin müttehiden tertîb ve techîz eylediği müdâfaʻa hatları frengi- nin taʻarruz hatları muvâcehesinde dâimâ nâ-kâfi, her an nâ-ümîd bir vazʻiyet arz eylemekdedir. Bu zaʻîf müdâfaʻanın adem-i kifâyesine kanâʻat getiren medeniyet-i hâzıra tarafından frengiye karşı mücâdele mesʼelesinde mukaddes cihâd muvâfık görülmüş ve bütün medenî milletlere umûmî bir frengi seferberliği emri taʻmîm edilmişdir.