HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 50 2479 Bu sâyede hükûmât-ı mütemeddinenin frengiyle yapmaya başladığı mücâdele-i resmiye efrâd-ı mütemeddinenin kuvâ-yı umûmiyesiyle takviye edilmekdedir. Bugün Avrupa ve Amerika bu yolda yürüyor. Medenî Türk bu emr-i mücâdeleden kendisini müstağnî addetmediği için frengi ile yapılan harbe iştirâk etmişdir. Mücâdele-i umûmiye anâsırının kemmiyeten tezâyüdü ve keyfiyeten tekâmülü için medenî Türk'ü temsîl eden hükûmet-i hâzıramızın geniş bir [215] program dâiresinde harbi kabûl etdiği bir zamânda efrâd-ı milletin lâkayd ve temâşâger bir tavır almasına imkân yokdur. Frengi ile mücâdele mesʼelesinde iki cebhe teʼsîs edilecekdir: 1-Sağlam efrâd-ı milleti düşman istîlâsından masûn bulundurmak, 2-Esîr, maraz efrâd-ı milleti esâretden kurtarmak. Vâkî olan birinci usûl ile müdâfaʻa cebhesi gerisindeki zinde vatandâşlara frengi düşmanının nerelerden, ne tarîkle esîr etdiği öğretilecek, şâfî olan ikinci usûl ile taʻarruz cebhesinden frenginin hayâtına, mevcûdiyetine kasdedilecekdir. Vâkî usûl-i frengi hakkında neşriyât-ı muhtelife, konferanslar, frengi tahrîbât ve fecâyiʻine âid sinema filmleri ve emsâli gibi ictimâʻî hayâtda sıyânet-i ferdiye gâyesini istihdâf edecek, şâfî usûl, frengiye yakalanan bedbaht insânları asrî usûllerle meccânen tedâvî sâyesinde ferdî hayâtda sıyânet-i ferdiye gâyesini taʻkîb eyleyecekdir. Bi'n-netîce her iki usûl de vatanımızın ve beşeriyetin teʻâlîsine hâdimdir. Resmî frengi dispanserlerinde tatbîk edilmekde olan şekl-i tedâvîyi taʻkîb ederek memleketi- mizde tedâvî birliğine halel getirtmeyeceğiz. Frengi ile mücâdele heyʼeti yarın bilfiʻl harbe başlarken bu muʻazzam cidâlde kendisine zahîr olanları kemâl-i hürmetle hâtıra-i taʻzîminde yaşatacakdır. Bâ-husûs, her hatve-i terakkîde râh-ı hakî- kati gösteren alemdâr-ı medeniyet hükûmet-i Cumhûriyemize, teʼsîsi husûsunda büyük muʻâvenet- lerine mazhar olduğu makâm-ı emânete, idâme ve muvaffakiyeti için vaʻdlerini kazandığı Sıhhiye Müdüriyeti'ne, her türlü mâddî ihtiyâcâtını teʼmîn edecek olan Şefkat Kulübü'ne ve frengi düşmanları ashâb-ı fazl u ilm olan sizlere, muhterem hâzırûna ber-vech-i peşîn arz-ı şükrân eylemeği borç bilir. Frengi ile mücâdele heyʼeti istikmâl eylediği işbu muzâheretler sâyesinde bu uğurdaki mücâdelesinin muhakkak sûretde galebe ile tetevvüc edeceğinden şübhe etmemekdedir". _______________ Sıhhat Müsâbakası Seksen yavrudan dört tânesi müsâbakayı kazanmışlardır. Süt Damlası Müessesesi büyük bir memnuniyet ve tevâzuʻ içinde en müsmir saʻy ve aʻzamî gayretle çalışan müesseselerden biridir. Kârilerimizin maʻlûmudur ki, bu müessese evvelce Fransızlara âid ve daha ziyâde progapanda mâhiyetini hâiz iken bilâhare Himâye-i Etfâl Cemʻiyeti'nin taht-ı idâresine terk edilmişdi ve o zamân- dan beri cemʻiyetin himâye ve murâkabesi altında meşkûr mesâʻîsine devâm edilmekdedir. Bundan birkaç gün evvel Himâye-i Etfâl Cemʻiyetince cemʻiyet çocuklarına yapılan operasyon dolayısıyla Kalender'de bir müsâmere tertîb edilmiş ve bu müsâmerede Süt Damlası Müessesesi yav- ruları arasında da bir sıhhat ve temizlik müsâbakası icrâ olunmuşdur. Bu münâsebetle dün bir muharririmiz müessesenin müdîresi Doktor Safiye Ali Hanım ile gö- rüşmüşdür.