HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 50 2480 Safiye Ali Hanım'ın verdiği maʻlûmâta göre Fransızlardan devren alındığı zamân otuz iki çocu- ğa bakmakda olan müessese el-yevm yüz yavruya mâlikdir. Bu çocukların vâlidelerine muhtelif vesî- le ve sûretlerle dâimâ çocuk bakımı hakkında irşâdâtkârâne nesâyih ve ihtârâtda bulunulmakdadır. [216] Bu nesâyihi tekrâr ve vâlideleri çocuk bakımında şerâit-i sıhhiyeye teşvîk cümlesinden olarak ahîren Himâye-i Etfâl'in Kalender'de tertîb etdiği müsâmere münâsebetiyle müessesenin yavruları arasında da bir sıhhat ve temizlik müsâbakası icrâ edilmişdir. Müsâbakaya iştirâk arzusunda bulunan müesseseye merbût seksen âilenin çocukları arasında evvelâ on ikisi seçilmiş ve bu on iki çocukdan da müsâmere günü Kalender'de bulunmuş olan İstan- bul mebʻûsları Hakkı Şinasi Paşa, Yusuf Akçura, Ali Rıza Beyler vesâir zevâtdan mürekkeb bir heyʼet maʻrifetiyle dört tânesi intihâb olunmuşdur. Müsâbakayı kazanan yavruların âilelerine, müsâbakaya nâmzed olarak tefrîk edilen on iki ço- cuk annesine müessesece verilen muhtelif hediyelerden mâʻadâ ikişer lira da mükâfât verilmişdir. Müsâbaka çocuk vâlideleri arasında büyük bir hâhişle karşılanmış olup tekrârı musırran ricâ edil- mekdedir. Müessesenin bulunduğu medrese binâsı ahîren tamâmen tahliye ve devrolunmuşdur. Müessese medresenin bâğçesindeki sundurmalardan vereme müstaʻid yavrucuklara tahsîs sûretiyle istifâde ede- cekdir. Medresenin bâğçesine ufak bir kum bâğçesi yapılması da düşünülmekdedir. Medresenin geniş ve büyük bir odası çocuk vâlidelerini, çocuk bakımı hakkında toplu bir sûret- de tenvîr ve irşâd husûsunda kullanılacakdır. Süt Damlası Müessesesi'ni takdîr ederiz. Vakit _______________ Kafesler Kalkacak İstanbul'un dar sokaklarında evlerin saçaklarına kadar yükselen ağaçların evlere ziyâ girmesine mâniʻ olması verem hastalığının şehrimizdeki tevessüʻ ve intişârına hizmet eden âmillerden olduğu için bundan bir-iki ay evvel Şehremânetince katʻ edilmişlerdi. Fi'l-vâkiʻ İstanbul hânelerinin ziyâdan mahrûmiyeti bilhâssa yetişmek için ziyâ ve havâya muh- tâc olan çocuklarımızın sıhhati üzerinde fenâ bir teʼsîr icrâ ediyordu. Ahîren haber aldığımıza göre alâkadâr makâmât, Sıhhiye ve Muʻâvenet-i İctimâʻiye Vekâleti'ne mürâcaʻat ederek İstanbul evlerinin birçoklarında mevcûd olan kafeslerin de kaldırılması lüzûmu hakkında nazar-ı dikkati celb etmişdir. Türk evlerinde bol ziyâyı ve güzel manzarayı menʻ için bu kafeslerin kaldırılması her hâlde sıhhat-i umûmiye nâmına çok musîb olacakdır. Akşâm Müdür-i Mesʼûl: Arif Süleyman