HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 51 2497 Üçünü Mâdde- Türkiye Hilâl-i Ahmer Cemʻiyeti'nin faʻâliyeti bütün Türkiye'ye şâmildir. Her ne maksâd ve nâma izâfetle olursa olsun, Türkiye'de Hilâl ve Salîb-i Ahmer unvân ve alâmetlerini hâiz başka bir cemʻiyet teşekkül edemez. Dördüncü Mâdde- Türkiye Hilâl-i Ahmer Cemʻiyeti Merkez-i Umûmîsi'nin tasvîbine iktirân etmedikçe memâlik-i ecnebiyede Hilâl-i Ahmer şuʻbesi teʼsîs ve küşâd edilemez. Beşinci Mâdde- Türkiye Hilâl-i Ahmer Cemʻiyeti Merkez-i Umûmîsi'nin müsâʻadesi olmadık- ça Türkiye dâhilinde ecnebî devlete âid bir Hilâl-i Ahmer veya Salîb-i Ahmer şuʻbesi açılamaz. Taleb olunan müsâʻadenin reddi hâlinde merkez-i umûmî esbâb-ı mûcibe göstermeğe mecbûr değildir. Altıncı Mâdde- Mâdde-i sâbıka mûcebince iʻtâ olunacak müsâʻadenin nihâyet üç seneyi tecâ- vüz etmeyecek bir müddet ile takyîd edilmesi ve müsâʻade istihsâl eden şuʻbe tâbiʻ olduğu devlet kavânîn ve nizâmâtına tevfikan teşekkül etmekle berâber bütün muʻâmelâtında Türkiye kavânîn ve nizâmâtına tâbiʻ bulunması şartdır. Bu şerâiti îfâ etmeyen şuʻbeler seddolunur. Yedinci Mâdde- Türkiye Hilâl-i Ahmer Cemʻiyeti'nin mevcûdiyeti zamân ile mukayyed değildir. Sekizinci Mâdde- Türkiye Hilâl-i Ahmer Cemʻiyeti'nin merkez-i umûmîsi Ankara'dır. Dokuzuncu Mâdde- Türkiye Hilâl-i Ahmer Cemʻiyeti, reîsicumhûr hazretlerinin himâyeleri al- tındadır. Birinci Fasıl Hilâl-i Ahmer Cemʻiyeti'nin Vezâifi Birinci Kısım (Harb Zamânında) Onuncu Mâdde- Cemʻiyet, harb zamânında berrî ve bahrî en yüksek makâm-ı sıhhî-i askerînin göstereceği lüzûm üzerine ber-vech-i âtî muʻâvenetlerde bulunur: 1-Gerek Türkiye ordu ve donanmasına mensûb olan gerek düşmandan esîr düşen yaralı ve has- talar ile zaʻîf ve maʻlûllerin tedâvîlerine [225] ve ıztırâblarının tahfîfine çalışır. 2-Hasta ve yaralıların nakli için lâzım olan vâsıtaları teʼmîne yardım eder. 3-Hastabakıcılar ve hastabakıcı muʻâvinlerinin tedârüküne gayret eder. 4-Müessesât ve teşkîlât-ı sıhhiye-i askeriyeye îcâbında levâzım-ı sıhhiye ve gıdâiye iʻtâsına saʻy eyler. 5-Cihet-i askeriyenin irâʼe edeceği mahallerde Hilâl-i Ahmer hastahâneleri ve hastahâne gemi- leri vesâir müessesât-ı sıhhiye teʼsîs ve ihzâr veya müesses hastahâneleri idâre eder. 6-Ordularda sârî hastalıklara karşı açılacak mücâdeleye iştirâk eder. 7-Harb sakatlarına aʻzâ-yı sınâʻiye iʻmâline yardım eyler. 8-Türk ve düşman asker ve sivil üserânın âileleriyle muhâberelerini ve nakid ve eşyâ münâka- lelerini teʼmîne tavassut ve delâlet eder ve bu maksadı teʼmîn için îcâb eden teşkîlâtı yapar. On Birinci Mâdde- Dâhilî harb ve iğtişâş netîcesinde hasta ve mecrûh düşenlere sıhhî ve gıdâî muʻâvenetlerde bulunabilir.