HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 51 2498 On İkinci Mâdde- Seferberlik iʻlânını müteʻâkib Hilâl-i Ahmer Merkez-i Umûmî aʻzâsından bir zât mesâʻîyi tevhîd ve tanzîm maksadıyla karârgâh-ı umûmî nezdinde murahhas taʻyîn edilir. Murah- hasın vazîfesi, seferberliğin hitâmıyla nihâyet bulur. On Üçüncü Mâdde- Merkez-i umûmî lüzûm görülecek harb cebhelerine ayrıca murahhaslar iʻzâm eder. On Dördüncü Mâdde- Cebhe murahhasları her husûsda cemʻiyetin emirlerine ve karârlarına tâbiʻ olmakla berâber Hilâl-i Ahmer hastahâneleriyle sâir müessese ve teşkîlâtının mevkiʻlerini ve faʻâliyet tarzını nezd veya yakınında bulunduğu salâhiyetdâr kumandanla bi'l-müzâkere taʻyîn eder- ler. On Beşinci Mâdde- Husûsî cemʻiyetlerin ve efrâdın teʼsîs edecekleri hastahâneler ve malzeme anbârları ve bunların meʼmûrîni Hilâl-i Ahmer'in himâyesi ve murâkabesi altında bulunur. On Altıncı Mâdde- Hilâl-i Ahmer Cemʻiyeti ecnebî Hilâl ve Salîb-i Ahmerleriyle diğer ecne- bî hayır cemʻiyetleri tarafından gönderilecek heyʼetlere îcâbında muʻâvenetde bulunur ve bunların mülkî ve askerî makâmlarla münâsebetlerini teshîl eder. İkinci Kısım (Sulh Zamânında) On Yedinci Mâdde- Cemʻiyet sulh zamânında: 1-Hastabakıcıları yetişdirir. 2-Salgın hastalıklara, verem ve sıtma ve çocuk vefeyâtı gibi âfât-ı ictimâʻiyeye karşı mücâ- delâta yardım eder. 3-Büyük yangın, zelzele, suların tuğyânı, kahtlık ve îcâbât-ı harbiye dolayısıyla muhâceret gibi âfât ve musîbetlerden biri vukûʻunda mümkün olan muʻâvenetde bulunur. 4-Cemʻiyet harb zamânındaki vazîfelerini yapmak için iktizâ eden levâzım ve vesâiti takarrür edecek mahallerde ihzâr ve iddihâr eder. 5-Müdâfaʻa-i Milliye ve Bahriye Vekâletleri Sıhhiye Dâiresi Hilâl-i Ahmer ile temâsını muhâ- faza etmek ve nokta-i nazarını teblîğ ve taʻkîb eylemek için Hilâl-i Ahmer Cemʻiyeti nezdine birer tabîb-i askerîyi murahhas taʻyîn ederler. Sıhhiye-i askeriye murahhasları Hilâl-i Ahmer'in tekmîl an- bârlarını görmeğe salâhiyetdârdırlar. Bu murahhaslar merkez-i umûmî ictimâʻlarında [226] istişârî reʼye mâlik olmak üzere hâzır bulunabilirler. On Sekizinci Mâdde- Ecnebî Hilâl ve Salîb-i Ahmerlerine îcâbında imdâd heyʼetleri göndermek şeklinde veyâhûd sâir sûretlerle muʻâvenetde bulunur. İkinci Fasıl Cemʻiyetin Alâmeti ve Hukûku On Dokuzuncu Mâdde- Türkiye Hilâl-i Ahmer Cemʻiyeti şahsiyet-i hükmiyeyi hâizdir. Yirminci Mâdde- Türkiye Hilâl-i Ahmer Cemʻiyeti'nin alâmeti beyâz zemîn üzerine karşıdan