HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 51 2499 bakarken sola müteveccih kırmızı hilâldir. Yalnız bayraklarda hilâl bayrak direğinin aksi istikâmeti- ne müteveccih olmalıdır. Bu alâmet diğer hükûmetlerce kabûl edilmiş olan Salîb-i Ahmer'in kâffe-i hukûk ve muʻâfiyetlerini hâiz bir bî-taraflık alâmetidir. Yirmi Birinci Mâdde- Hilâl-i Ahmer alâmeti şu mahallerde kullanılır: 1-Cemʻiyet mühürlerinde ve evrâk damgalarında 2-Hastahâneler ve dispanserlerle hastahâne gemilerine 1 ve anbâr ile sâir müessesâta ve berrî, bahrî ve havâî her nevʻ vesâit-i nakliyeye çekilecek bayraklarda ve tayyârelerden görülecek sûretde hastahâneler ve dispanserler ile sâir îcâb eden mahaller üzerinde 3-Hilâl-i Ahmer elbiseleriyle faʻâliyetleri esnâsında cemʻiyet mensûblarının sol kollarına tak- dıkları pazubendlerde 4-Bi'l-umûm Hilâl-i Ahmer teşkîlâtına âid ve cemʻiyetin tensîb edeceği diğer yerlerde. Yirmi İkinci Mâdde- Hilâl-i Ahmer alâmeti ticâret ve sanâyiʻde kullanılamaz. Yirmi Üçüncü Mâdde- Hilâl-i Ahmer Cemʻiyeti gerek teberruʻ gerek iştirâ ve teferruğ sûretiyle şehir ve köy dâhil ve hâricinde emvâl-i gayr-ı menkûle temellük ve tasarruf edebilir. Üçüncü Fasıl Cemʻiyetin Aʻzâları, Hukûk ve Vezâifi Yirmi Dördüncü Mâdde- Her Türk cemʻiyete aʻzâ olabilir. Yirmi Beşinci Mâdde- Cemʻiyetin dört kısım aʻzâsı vardır: Muʻâvin aʻzâ, aʻzâ, dâimî aʻzâ, fâhir aʻzâ. Yirmi Altıncı Mâdde- 1-Cemʻiyete her sene muntazaman en az elli kuruş âidât verenler (muʻâvin) 2-En az bir lira iʻtâ edenler (aʻzâ) 3-Cemʻiyete defaten en az yüz lira verenler dâimî aʻzâ unvânını alır. Yirmi Yedinci Mâdde- Cemʻiyete on sene fiʻlen fahrî hizmet edenlere veya zamân ile mukayyed olmayarak fevkalâde hizmetlerde bulunanlara ve nakden ve mâlen en az iki bin lira teberruʻ edenler- den münâsib görülenlere merkez-i umûmî karârıyla fâhir aʻzâ unvânı verilir. Yirmi Sekizinci Mâdde- İstiʻfâ ve müteʻahhidi bulunduğu âidât-ı seneviyeyi iki sene mütevâli- yen adem-i îfâ gibi esbâba binâen aʻzâlık sıfatının sükûtu merkez-i umûmî karârına vâbestedir. [227] Muhill-i nâmûs ve haysiyet cünha ve cinâyetle mahkûmiyet, aʻzâlık sıfatını sûret-i katʻi- yede ıskât eder. Yirmi Dokuzuncu Mâdde- Hilâl-i Ahmer Merkez-i Umûmîsi'nde ve merkez şuʻbelerden birinde fahriyen bir vazîfe derʻuhde etmiş olan aʻzâ vazîfelerine maʻzeretini bildirmeksizin mütevâliyen üç defa gelmemekle o vazîfeden müstaʻfî addolunur. 1 Bu gemilerin su kesiminden yukarısı beyâza boyanarak üzerine ve bacasına kırmızı bir kuşak çizilir ve ortasına Hilâl-i Ahmer alâmeti konulur. Geceleri bu gemilere fener çekilir.