HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 51 2500 Dördüncü Fasıl Cemʻiyetin İdâre Teşkîlâtı Otuzuncu Mâdde- Hilâl-i Ahmer Cemʻiyeti'nin teşkîlâtı ber-vech-i âtîdir: 1-Meclis-i Umûmî 2-Merkez-i Umûmî 3-Vilâyet Meclis-i Umûmîleri 4-Vilâyet Merkezleri 5-Kazâ, Nâhiye, Köy (Mahalle) Şuʻbeleri 6-İdâre Heyʼetleri 7-Tedkîk Komisyonu Beşinci Fasıl Meclis-i Umûmî Otuz Birinci Mâdde- Türkiye Hilâl-i Ahmer Cemʻiyeti, meclis-i umûmî tarafından idâre olunur. Meclis-i umûmî, merkez-i umûmî aʻzâsı ve Hilâl-i Ahmer'e meʼmûr berrî ve bahrî askerî murahhasla- rıyla vilâyet murahhaslarından terekküb eder. Her sene Mart içinde meclis-i umûmî âdiyen ve lüzûm üzerine 48'inci mâdde mûcebince fevkalâde olarak ictimâʻ eyler. Otuz İkinci Mâdde- Meclis-i umûmînin ictimâʻ-ı fevkalâdesi merkez-i umûmî aʻzâsı ve askerî murahhasları ile o senenin ictimâʻ-ı âdîsi için intihâb edilmiş olup da merkezde bulunan aʻzâ-yı mu- rahhasalardan teşekkül eyler. Otuz Üçüncü Mâdde- Meclis-i umûmîye iştirâk edecek aʻzânın âidât-ı seneviyelerini tamâmen teʼdiye etmiş olmaları şartdır. Otuz Dördüncü Mâdde- Meclis-i umûmînin alelâde târîh-i ictimâʻı ve müzâkerât-ı rûznâmesi inʻikâdından lâ-ekal bir ay evvel bi'l-umûm Hilâl-i Ahmer merâkizine işʻâr ve Hilâl-i Ahmer Mec- mûʻası 'nın ilk nüshasına derc ve mahallî matbûʻâtı ile ikişer defa iʻlân olunur. Otuz Beşinci Mâdde- Meclis-i umûmîyi reîslerini intihâb edinceye kadar merkez-i umûmî rüesâsından biri idâre eder. Nisâb-ı ictimâʻın mevcûdiyeti tahakkuk edince reʼy-i hafî ile meclis-i umûmîye bir reîs ve iki reîs-i sânî ve iki kâtib intihâb olunur. İntihâbı müteʻâkib celseyi müntehab rüesâdân biri küşâd ve idâre eder. Otuz Altıncı Mâdde- Meclis-i umûmî, müzâkerâtını nihâyet üç haftada ikmâl eder. Ahvâl-i fev- kalâdede sülüsân-ı ârâ ile temdîdi hâizdir. Otuz Yedinci Mâdde- Her vilâyet merkezi meclis-i umûmîye kendi mıntıkası dâhilinde mu- kayyed olup âidât-ı seneviyesini tamâmıyla îfâ etmiş bulunan aʻzânın reʼy-i hafîsiyle ve iki yüzde bir nisbetinde murahhas günderir. Mukayyed aʻzânın iki yüzden dûn olan vilâyetler adedi ne olursa olsun, bir murahhas gönderebilirler. Murahhaslara harcırâh veya tazmînât verilmez. Otuz Sekizinci Mâdde- Vilâyât merâkizince murahhas intihâb olunacak aʻzânın o vilâyet [228] defterinde mukayyed aʻzâdan olması meşrût değildir.