HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 51 2501 Otuz Dokuzuncu Mâdde- Hilâl-i Ahmer'in maʻâşlı meʼmûrları aʻzâdan dahi olsalar murahhas intihâb olunamazlar. Kırkıncı Mâdde- Otuz üçüncü mâddede mezkûr aʻzâdan yetmiş beş zât hâzır bulunmadıkça meclis-i umûmî inʻikâd edemez. Yevm-i ictimâʻda bu ekseriyet hâsıl olamadığı hâlde ictimâʻ bir hafta sonraya taʻlîk ve keyfiyet gazeteler ve Hilâl-i Ahmer Mecmûʻası ile iʻlân olunur. İkinci yevm-i ic- timâʻda aʻzâ-yı mevcûdenin adedi kaç olursa olsun, meclis küşâd olunarak müzâkereye ibtidâr edilir. Kırk Birinci Mâdde- Meclis-i umûmî karârları zabıtnâmeye derc edildikden sonra zîri meclis-i umûmîye riyâset edenlerle meclis müzâkerâtına iştirâk eyleyen aʻzâdan lâ-ekal beş zât tarafından imzâ edilir ve hulâsası matbûʻât ile iʻlân olunur. Kırk İkinci Mâdde- Meclis-i umûmî karârları 48'inci mâddede beyân olunan ahvâl hâricinde mevcûd aʻzânın ekseriyet-i mutlakası ile ittihâz olunur. Kırk Üçüncü Mâdde- Aʻzânın yalnız bir reʼyi vardır. Tesâvî-i ârâ vukûʻunda reîsin bulunduğu taraf tercîh olunur. Kırk Dördüncü Mâdde- İşbu nizâmnâmenin tebdîl ü taʻdîline ve harb ihtiyâtından sarfiyât ic- râsına müteʻallik meclis-i umûmîce ittihâz olunacak karârların merʻiyeti mevcûd aʻzânın sülüsân-ı ârâsına mütevakkıfdır. Kırk Beşinci Mâdde- Meclis-i umûmînin rüʼyet edeceği mevâd şunlardır: 1-Cemʻiyetin merkez-i umûmî tarafından tertîb olunan senelik raporuyla muvâzene-i hesâbiye- sinin ve tedkîk komisyonunun buna müteʻallik tanzîm ve iʻtâ eyleyeceği raporun tedkîki ve kabûlü hâlinde merkez-i umûmînin zimmetinin ibrâsı 2-Büdcenin tasdîki 3-Merkez-i umûmîce münhal aʻzâlıklara intihâb olunmuş zevâtın tasdîki ve kurʻa ile çıkacakla- rın yerine reʼy-i hafî ile merkez-i umûmîye aʻzâ intihâbı 4-Tedkîk komisyonu aʻzâsının tecdîden intihâbı 5-Merkez-i umûmîce teklîf edilen husûsâtın müzâkeresi Kırk Altıncı Mâdde- Meclis-i umûmî rûznâme hâricinde hiçbir mâddeyi müzâkere edemez. An- cak celsede mevcûd on beş aʻzânın imzâsı tahtında vukûʻ bulacak teklîflerin rûznâmeye idhâli taht-ı karâra alınabilir. Kırk Yedinci Mâdde- Merkez-i umûmî aʻzâsı kendi icrââtına âid husûsâtın meclis-i umûmî tara- fından tedkîki esnâsında reʼy veremez. Kırk Sekizinci Mâdde- Merkez-i umûmî aʻzâ-yı mürettebesi tarafından ekseriyet-i ârâ ile karâr verildiği yâhûd merkez-i umûmî aʻzâsının mecmûʻu ve ekserîsi istiʻfâ etdiği veya tedkîk heyʼeti ta- rafından lüzûm gösterildiği veyâhûd alelâde meclis-i umûmîye iştirâke salâhiyetdâr ekalli kırk aʻzâ tarafından merkez-i umûmî riyâsetine tahrîren mürâcaʻat vukûʻa geldiği hâlde meclis-i umûmî sû- ret-i fevkalâdede ictimâʻa daʻvet olunur. İşbu mürâcaʻatda mevkiʻ-i müzâkereye konması taleb edilen mâddenin musarrahan mezkûr olması lâzımdır. Fevkalâde ictimâʻların da günleri iʻlân olunur. Kırk Dokuzuncu Mâdde- Fevkalâde ictimâʻlar [229] târîh-i iʻlândan iʻtibâren üç günden evvel vâkiʻ olamayacağı gibi iki haftadan fazla da teehhur edemez ve her kaç aʻzâ bulunursa bulunsun, meclis akdolunur.