HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 51 2502 Ellinci Mâdde- Meclis-i umûmî gerek merkez-i umûmî ve gerek meclis-i umûmî aʻzâsı tara- fından vukûʻ bulacak teklîf üzerine cemʻiyet fevkalâde hizmeti sebk eden zevâta fâhir reîs ve aʻzâlık unvânlarını tevcîh ve iftihârnâme (diplôme dʼhonneur) iʻtâ ile bu gibi mukarrerât sülüsân ekseriyetle ittihâz olunur. Altıncı Fasıl Merkez-i Umûmî Elli Birinci Mâdde- Merkez-i umûmî, meclis-i umûmî tarafından müntehab otuz aʻzâdan müte- şekkildir. Bu otuz aʻzâdan lâ-ekal beşinin tabîb olması şartdır. Elli İkinci Mâdde- Merkez-i umûmî aʻzâsından beşi her sene meclis-i umûmîce kurʻa ile çıka- rılarak yerlerine reʼy-i hafî ile diğerleri intihâb olunur. Yeni intihâb olunan aʻzâ eskilerinin tecdîdine kadar kurʻaya idhâl edilmez. Otuz aʻzâ tamâmen tecdîd edildikden sonra yeni intihâb olunanlardan her sene beşi kıdem sırasıyla çıkarılarak yerlerine meclis-i umûmîce yeniden aʻzâ intihâb olunur. Elli Üçüncü Mâdde- Gerek kurʻa ile gerek kıdem sırasıyla çıkarılacak aʻzânın tekrâr intihâbları câizdir. Elli Dördüncü Mâdde- Meclis-i umûmî münʻakid olmadığı bir sırada merkez-i umûmîce vâkiʻ olacak aʻzâ münhallâtına meclis-i umûmîce o sene intihâb olunan aʻzâdan sonra en çok reʼy kazanmış olanlar alınır. Bu nevʻ aʻzâ bulunmadığı takdîrde meclis-i umûmînin ilk ictimâʻında tasdîk etdirilmek üzere merkez-i umûmîce aʻzâ meyânında reʼy-i hafî ve ekseriyet-i mutlaka ile yeni aʻzâ alır. Bu sû- retle merkez-i umûmîye alınan aʻzâ yerine intihâb edildiği aʻzânın bakıyye-i müddetini ikmâl eder. Elli Beşinci Mâdde- Merkez-i umûmîye aʻzâ intihâb olunabilmek için asker ise etıbbâ hâric olmak üzere tekâʻüdü icrâ edilmiş olmak ve lâ-ekal bir seneden beri fâhir veya dâimî veya aʻzâ meyâ- nında mukayyed bulunmak şartdır. Elli Altıncı Mâdde- Alelâde meclis-i umûmînin ikmâl-i vazîfe etmesini müteʻâkib merkez-i umûmî bir celse akdederek aʻzâsı meyânından bir reîs ve iki reîs-i sânî ve bir kâtib-i umûmî ve bir müfettiş-i umûmî ve bir muhâsebe murâkıbı ve bir vezne murâkıbından mürekkeb olmak üze- re heyʼet-i idâresini intihâb eder. Merkez-i umûmî ve idâre heyʼeti aʻzâsının vazîfeleri fahrîdir. Maʻamâfîh heyʼet-i idâre aʻzâlarına veya heyʼet-i idâreden bazılarına lede'l-îcâb merkez-i umûmî karârıyla tazmînât verilebilir. Elli Yedinci Mâdde- Merkez-i umûmî lüzûm göreceği husûsât için kendi aʻzâsı meyânından encümenler intihâb ve teşkîl eder. Elli Sekizinci Mâdde- Esbâb-ı mücbire dolayısıyla meclis-i umûmî ictimâʻ edemediği takdîrde merkez-i umûmî müddet-i nizâmiyesinin ikmâline bakmayarak yeni intihâbât icrâsına kadar îfâ-yı vazîfe eyler. Elli Dokuzuncu Mâdde- Merkez-i umûmî ictimâʻı ya alelâde veya fevkalâde olur. Alelâde ictimâʻ her ayın ilk haftasında ve merkez-i umûmîce taʻyîn olunacak bir günde veya lede'l-iktizâ heyʼet-i idâre tarafından taʻyîn edilecek eyyâm-ı sâireden bir günde akdolunur. İctimâʻ-ı âdîde [230] nisâb-ı müzâkere aʻzâ aded-i mürettebinin nısfından bir ziyâdesiyle hâsıl olur. İctimâʻ-ı fevkalâde müstaʻcel ahvâl hudûsu üzerine idâre heyʼetince verilecek karâr ve yapılacak daʻvet üzerine akdolu- nur. Daʻvetnâmelerde müzâkere olunacak mesâil taʻyîn ve tasrîh edilir. İctimâʻ-ı fevkalâdede sebeb-i