HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 51 2503 ictimâʻ olan mevâddan başka mesâil müzâkere olunamaz. Fevkalâde ictimâʻda nisâb-ı müzâkere aʻzâ aded-i mürettebinin sülüsünden bir fazlasıyla hâsıl olur. Altmışıncı Mâdde- Merkez-i umûmî karârları müzâkereye iştirâk eden aʻzânın ekseriyet-i mut- lakasıyla ittihâz olunur. Tesâvî-i ârâ vukûʻunda reîsin bulunduğu tarafın reʼyi tercîh edilir. Altmış Birinci Mâdde- Merkez-i umûmî: 1-Cemʻiyete âid bütün müessesât ve muʻâmelâtı tedvîr ve murâkabe, 2-Merâkiz ve şuʻabât teşkîlâtını tedkîk ve bunların muʻâmelâtını tanzîm ve teftîş ve tasdîk, 3-Cemʻiyet aʻzâlarının teksîri ve vâridâtının tezyîdi çârelerini taharrî, 4-Vâridât-ı cemʻiyeti ahz u cibâyet ve büdceyi tatbîk, 5-Beynelmilel Salîb-i Ahmer Konferansı mukarrerâtından Hilâl-i Ahmer vezâifine âid olanları nazar-ı dikkate almak, 6-Nizâmnâme-i esâsîde taʻdîlât icrâsı veya nizâmnâme-i esâsînin tecdîdi iktizâ eylediği takdîr- de bunları bi't-tanzîm meclis-i umûmîye sevk ve cemʻiyete âid taʻlîmâtnâmeleri tanzîm ve bunları tatbîk ve baʻdehû meclis-i umûmînin tasdîkine iktirân etmek üzere nizâmnâme-i esâsîyi tefsîr, 7-İnde'l-hâce meclis-i umûmîyi fevkalâde ictimâʻa daʻvet, 8-Meclis-i umûmîye verilecek senelik raporu ve büdce lâyihasını tanzîm, 9-Heyʼet-i idârenin teklîfi üzerine rüesâ-yı meʼmûrîn ve müfettişleri nasb u azl, 10-Hastabakıcı mektebleri teʼsîsi, 11-Lâyık gördüklerine takdîrnâme iʻtâ ve nizâmnâmesi mûcebince madalya ile taltîfi iktizâ edenler hakkında müttehaz karârları irâde-i milliyeye iktirân etdirilmek üzere icrâ vekîlleri heyʼeti riyâsetine takdîm eder. Altmış İkinci Mâdde- Merkez-i umûmî yalnız meclis-i umûmîye karşı mesʼûldür. Altmış Üçüncü Mâdde- Merkez-i umûmî cemʻiyetin maksadına hâdim her nevʻ neşriyâtda bu- lunabilir. Altmış Dördüncü Mâdde- Merkez-i umûmîce ittihâz olunan mukarrerât aynı celsede hulâsaten bir defter-i mahsûsa kayıd ve reîs ile kâtib-i umûmî tarafından imzâ edilir. Bundan mâʻadâ müzâ- kerâtın hulâsasını da zabıt defterine kayıd ve müteʻâkib celsede heyʼet huzûrunda kırâat ve tasvîb olundukdan sonra kezâlik reîs ile kâtib-i umûmî tarafından bi'l-imzâ tasdîk olunur. Altmış Beşinci Mâdde- Merkez-i umûmînin müctemiʻan veya ekseriyetle istiʻfâsı üzerine mec- lis-i umûmî ictimâʻa daʻvet olunur. Meclis-i umûmî ictimâʻ edinceye kadar merkez-i umûmî aʻzâsının îfâ-ı vazîfeye devâmları mecbûrîdir. Yedinci Fasıl Heyʼet-i İdâre Altmış Altıncı Mâdde- Heyʼet-i idâre reîs-i evvel ve sânîler ile kâtib-i umûmî ve müfettiş-i umûmî [231] ve muhâsebe ve vezne murâkıblarından müteşekkil ve merkez-i umûmînin kuvve-i icrâiye ve faʻâlesidir. Harb zamânlarında ve fevkalâde ahvâl zuhûrunda heyʼet-i idâre aʻzâsının adedi