HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 51 2504 merkez-i umûmî karârıyla tezyîd olunabilir. Bu sûretle alınacak aʻzânın merkez-i umûmîden olması şartdır. Altmış Yedinci Mâdde- Heyʼet-i idâre lâ-ekal haftada bir defa ictimâʻ eder. Karârlarının maʻmû- lün bih olması için celsede aʻzâ-yı mürettebesinin nısfından bir ziyâdesinin huzûru şartdır. Karârlar aʻzâ-yı mevcûdenin ekseriyet-i mutlakası ile ittihâz olunarak zîri hâzır olanlar tarafından imzâ edilir. Altmış Sekizinci Mâdde- Heyʼet-i idârenin vazîfe ve salâhiyeti ber-vech-i âtîdir: 1-Cemʻiyete âid muʻâmelâtı ve emvâl-i menkûle ve gayr-ı menkûleyi nizâmnâme-i esâsî mevâd ve ahkâmına ve merkez-i umûmî karârlarına tevfîkan idâre, 2-Nizâmnâme ve taʻlîmâtnâme lâyihalarını ihzâr ve merkez-i umûmîye arz, 3-Cemʻiyete âid vâridâtı kabz ve idâre ve bi'l-umûm kuyûdât ve hesâbâtı tanzîm ve alelâde büdceye dâhil olup merkez-i umûmîce salâhiyet verilen mebâliği sarf, 4-Merkez-i umûmînin rûznâme-i müzâkerâtını tertîb, 5-Cemʻiyetin senelik umûmî raporunu ve hesâbât-ı katʻîsini ve büdceyi tanzîm ve merkez-i umûmîye takdîm, 6-Yirmi yedinci mâddede muharrer şerâiti ihrâz eden zevâtın fâhir aʻzâlığa kabûlünü merkez-i umûmîye teklîf etmekdir. Altmış Dokuzuncu Mâdde- Heyʼet-i idâre merkez-i umûmîce verilen karârların ne sûretle tatbîk ve icrâ edildiğini ve tatbîki mümkün olamayan veya teehhur eden mesâilin esbâbını celse-i âtiyede merkez-i umûmîye îzâh eder ve heyʼet-i idârece verilen ve tatbîk olunan karârları dahi merkez-i umûmîye bildirir. Yetmişinci Mâdde- Reîs heyʼet-i idâre ictimâʻlarına riyâset ve mehâkim ve devâirde ve bi'l-cüm- le husûsâtda bizzât veya bi'l-vekâle cemʻiyeti temsîl eder. Yetmiş Birinci Mâdde- Reîs bulunmadığı takdîrde reîs-i sânîlerden biri reîse âid bi'l-cümle vezâifi îfâ eder. Yetmiş İkinci Mâdde- Kâtib-i umûmî bütün muʻâmelât-ı idâriyenin intizâm-ı cereyânını teʼmîn ve heyʼet-i idârenin karârlarının icrâsıyla mükellefdir. Muhâberât reîs veya reîs-i sânîler veya kâtib-i umûmî tarafından imzâ olunur. Makbûzât ve teʼdiyât evrâkında dahi bu zevâtdan birinin imzâsı bu- lunmak şartdır. Yetmiş Üçüncü Mâdde- Cemʻiyet sermâyesinin bulunduğu banka hesâb-ı cârîsinden veya depo akçelerinden para ahz edebilmek için heyʼet-i idâre aʻzâsından dört zâtın imzâsı lâzımdır. Cemʻiyetin bankalar vesâir müessesât ile diğer muʻâmelât-ı mâliyesinde vazʻ-ı imzâya meʼzûn zevâtdan ikisinin imzâsı kifâyet eder. Yetmiş Dördüncü Mâdde- Muhâsebe murâkıbı cemʻiyetin bi'l-umûm umûr-ı mâliye ve hesâbi- yesini murâkabe eder. Yetmiş Beşinci Mâdde- Vezne murâkıbı vezne muʻâmelât-ı nakdiyesini murâkabe eder. Yetmiş Altıncı Mâdde- Müfettiş-i umûmî anbârların tanzîmini ve eşyâların hüsn-i hâlde muhâ- fazasını ve anbârlara ve müessesâta müteʻallik defâtir ve kuyûdu ve bi'l-umûm muʻâmelâtı murâkabe eder ve her ay tanzîm edeceği umûmî raporu riyâsete takdîm eyler.