HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 51 2505 [232] Sekizinci Fasıl Merkez ve Şuʻbeler Merkezler Yetmiş Yedinci Mâdde- Merkezler vilâyetlerde teşkîl olunur. Merkez teşekkül edebilmek için lâ-ekal elli aʻzânın birleşmesi lâzımdır. Yetmiş Sekizinci Mâdde- Merkez teşkîlâtı ber-vech-i âtîdir: 1-Vilâyet Meclis-i Umûmîleri 2-Vilâyet Merkez ve İdâre Heyʼetleri Yetmiş Dokuzuncu Mâdde- Vilâyet meclis-i umûmîsi o vilâyet dâhilinde mukayyed aʻzânın ictimâʻıyla teşekkül eder. Meclis-i umûmîyi reîslerini intihâb edinceye kadar heyʼet-i merkeziye reîs- lerinden biri idâre eder. Nisâb-ı ictimâʻın mevcûdiyeti tahakkuk edince reʼy-i hafî ile bir reîs, bir reîs-i sânî ve bir kâtib intihâb olunur. İntihâbı müteʻâkib celseyi müntehab rüesâdan biri idâre eder. Sekseninci Mâdde- Vilâyet meclis-i umûmîleri müzâkerâtını nihâyet bir haftada ikmâl eder. Seksen Birinci Mâdde- Vilâyet meclis-i umûmîsine iştirâk edecek aʻzânın âidât-ı seneviyelerini tamâmen teʼdiye etmiş olmaları lâzımdır. Seksen İkinci Mâdde- Vilâyet meclis-i umûmîsi elli aʻzâ bulunmadıkça inʻikâd edemez. İlk yevm-i ictimâʻda bu ekseriyet hâsıl olamadığı hâlde ictimâʻ bir hafta sonraya taʻlîk ve keyfiyet ga- zetelerle iʻlân edilir. İkinci yevm-i ictimâʻda aʻzâ-yı mevcûdenin adedi ne olursa olsun, meclis küşâd olunarak müzâkereye başlanılır. Seksen Üçüncü Mâdde- Vilâyet meclis-i umûmîleri senevî ictimâʻlarını Teşrîn-i Evvel'in on beşinde akdederler. Seksen Dördüncü Mâdde- Vilâyet meclis-i umûmîleri: 1-Sene-i âtiye büdcesinin tedkîk ve kabûl ve berây-ı tasdîk merkez-i umûmîye takdîm, 2-On beşer zâtdan mürekkeb heyʼet-i merkeziyesinin sülüsünü kurʻa ile ihrâc ve yerlerine reʼy-i hâfî ile yeni aʻzâ intihâb ve berây-ı tasdîk merkez-i umûmîye arz, 3-Hilâl-i Ahmer menâfiʻine âid teklîfâtı müzâkere ve bu bâbdaki karârları merkez-i umûmîye arz, 4-Hilâl-i Ahmer'e fevkalâde hizmet edenlerin taltîf ve takdîrini esbâb-ı mûcibe serdiyle mer- kez-i umûmîye inhâ, 5-Meclis-i umûmîye murahhas intihâb eder. Seksen Beşinci Mâdde- Vilâyet meclis-i umûmîleri tarafından intihâb edilen heyʼet-i merkezi- yeler ilk ictimâʻında reʼy-i hafî ile kendi aralarında icrâ vazîfesiyle mükellef olmak üzere bir reîs, bir reîs-i sânî, bir muhâsib, bir veznedâr ve bir kâtibden ibâret idâre heyʼetlerini intihâb eder ve berây-ı tasdîk bâ-mazbata merkez-i umûmîye arz ederler. Seksen Altıncı Mâdde- Nizâmnâmenin 59, 60'ıncı mâddeleri vilâyet heyʼet-i merkeziyeleri hak- kında dahi cârîdir. Seksen Yedinci Mâdde- Vilâyet heyʼet-i merkeziyeleri vezâifi: