HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 51 2506 1-Kendi idârelerinde bulunan müessesâtı tedvîr, 2-İdâresindeki şuʻabât teşkîlâtını teftîş ve devâmlarını teʼmîn ve muʻâmelâtını tanzîm ve şuʻbe olmayan mahallerde yeniden şuʻbe teʼsîs, 3-Cemʻiyete vâridât taharrî ve aʻzâ-yı cemʻiyetin teksîrine gayret [233] 4-Vâridât-ı cemʻiyeti ahz u cibâyet, 5-İnde'l-hâce vilâyet meclis-i umûmîsini ictimâʻa daʻvet, 6-Meclis-i umûmîye vereceği büdceyi tanzîm, 7-Heyʼet-i idârenin teklîfi üzerine rüesâ-yı meʼzûniyeti azl ü nasb, 8-Her sene kongre hitâmında senelik vâridât, sarfiyât, icrâât ve muʻâmelâtını mübeyyin raporu- nu merkez-i umûmîye arz eyler. Seksen Sekizinci Mâdde- Vilâyet heyʼet-i merkeziyeleri efʻâl ü icrâât ve sarfiyâtından merkez-i umûmîye karşı mesʼûldür. Kazâ Şuʻbeleri Seksen Dokuzuncu Mâdde- Kazâlarda şuʻbe teşekkül edebilmek için lâ-ekal yirmi aʻzânın ic- timâʻı lâzımdır. Kazâ Meclis-i Umûmîleri Doksanıncı Mâdde- Kazâ meclis-i umûmîleri kazâ dâhilinde mukayyed aʻzânın ictimâʻıyla te- şekkül eder. Reîs intihâb olununcaya kadar kazâ şuʻbe reîsi meclis açar. Nisâb-ı ictimâʻın mevcûdiyeti tahakkuk edince reʼy-i hafî ile bir reîs ve bir de kâtib olur. Müntehab reîs celseyi küşâd ve idâre eder. Doksan Birinci Mâdde- Meclis, müzâkerâtını aʻzamî üç günde ikmâl eder. Doksan İkinci Mâdde- Meclis-i umûmî yirmi aʻzâ bulunmadıkça toplanamaz. İlk ictimâʻda ek- seriyet olmazsa ictimâʻ bir hafta sonraya taʻlîk ve keyfiyet iʻlân edilir. İkinci ictimâʻda aʻzânın adedi ne olursa olsun, meclis açılarak müzâkereye başlanılır. Doksan Üçüncü Mâdde- Kazâ şuʻbeleri meclis-i umûmîleri her Teşrîn-i Evvel bidâyetinde baş- lamak üzere senelik ictimâʻlarını akdederler. Doksan Dördüncü Mâdde- Kazâ şuʻbe meclis-i umûmîleri: 1-Sene-i âtiye büdcesini tedkîk ve berây-ı tasdîk merbût bulunduğu vilâyet merkezine takdîm, 2-Sekiz zâtdan mürekkeb kazâ şuʻbe heyʼetinin kurʻa ile çıkacak üç aʻzâsı yerine reʼy-i hafî ile yenilerini intihâb ve berây-ı tasdîk vilâyet merkezine arz, 3-Hilâl-i Ahmer menâfiʻine âid teklîfâtı müzâkere ve bu bâbdaki karârları vilâyet merkezlerine irsâl, 4-Hilâl-i Ahmer'e fevkalâde hizmet edenlerin taltîflerini esbâb-ı mûcibesiyle birlikde vilâyet merkezine inhâ eder.