HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 51 2507 Kazâ Şuʻbe Heyʼetleri Doksan Beşinci Mâdde- Kazâ meclis-i umûmîleri tarafından reʼy-i hafî ile müntehab sekiz aʻzâ icrâ vazîfesiyle mükellef olmak üzere aralarında bir reîs, bir veznedâr ve bir kâtibden ibâret olmak üzere heyʼet-i idâresini intihâb ve berây-ı tasdîk vilâyet heyʼet-i merkeziyesine arz eder. Doksan Altıncı Mâdde- Nizâmnâmenin 59, 60'ıncı mâddeleri kazâ şuʻbe heyʼetleri hakkında dahi cârîdir. Doksan Yedinci Mâdde- Kazâ heyʼetleri; 1-İdâresindeki teşkîlâtı teftîş ve muʻâmelâtını tanzîm ve olmayan mahallerde şuʻbeler teʼsîs, 2-Cemʻiyete vâridât taharrî ve aʻzâ-yı cemʻiyet adedini teksîr, 3-Cemʻiyet vâridâtını ahz u cibâyet 4-İnde'l-hâce meclis-i umûmîsini ictimâʻa daʻvet, [234] 5-Her sene meclis-i umûmîsi hitâmında vâridât, sarfiyât, icrâât ve muʻâmelâtını mübey- yin raporu vilâyet heyʼet-i merkeziyesine takdîm eder. Doksan Sekizinci Mâdde- Kazâ şuʻbe heyʼetleri efʻâl [ve] icrâât ve sarfiyâtından merbût bulun- duğu vilâyet heyʼet-i merkeziyesine karşı mesʼûldür. Nâhiye Şuʻbeleri Doksan Dokuzuncu Mâdde- Nâhiyelerde şuʻbe açılmak için lâ-ekal on aʻzânın vücûdu lâzımdır. Nâhiye Meclis-i Umûmîleri Yüzüncü Mâdde- Nâhiye meclis-i umûmîleri nâhiye dâhilinde mukayyed aʻzânın ictimâʻıyla te- şekkül eder. Reîs intihâb olununcaya kadar nâhiye şuʻbe reîsi meclisi idâre eder. Nisâb-ı ekseriyet ta- hakkuk ederse reʼy-i hafî ile bir reîs, bir kâtib intihâb olunur. Müntehab reîs celseyi açar ve idâre eder. Yüz Birinci Mâdde- Meclis-i umûmî aʻzamî iki günde vazîfesini ikmâl eder. Yüz İkinci Mâdde- Meclis-i umûmî on aʻzâ bulunmadıkça toplanamaz. İlk ictimâʻda ekseriyet olmaz ise ictimâʻ bir hafta sonraya taʻlîk ve keyfiyet iʻlân edilir. İkinci ictimâʻda aʻzânın adedi ne olur ise olsun, meclis açılarak müzâkereye başlanılır. Yüz Üçüncü Mâdde- Nâhiye şuʻbe meclis-i umûmîleri her sene Eylül'ün on beşinde ictimâʻla- rını akdederler. Yüz Dördüncü Mâdde- Nâhiye meclis-i umûmîleri; 1-O sene yapılan masrafı tedkîk, 2-Sene-i âtiyede yapılacak masraf hakkında maʻlûmât ahz, 3-Beş zâtdan ibâret şuʻbesi heyʼetinden kurʻa ile çıkarılacak iki zâtın yerine yenilerini reʼy-i hafî ile intihâb ve berây-ı tasdîk merbût bulunduğu şuʻbe heyʼetine irsâl, 4-Hilâl-i Ahmer menâfiʻine âid teklîfâtı müzâkere ve karârları kazâ şuʻbe heyʼetine arz eyler.