HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 51 2509 Dokuzuncu Fasıl Mevâdd-ı Umûmiye Yüz On Dördüncü Mâdde- Yeni teʼsîs eden her şuʻbe idâreten merbût bulunduğu şuʻbe veya merkezlerce ve merkezlerde merkez-i umûmîce ale'l-usûl tasdîk edilmedikçe faʻâliyete geçemezler. Yüz On Beşinci Mâdde- Merkez ve şuʻbeler cemʻiyetin nizâmnâme-i esâsîsine ve bütün nizâmât ve taʻlîmâtına tevfîk-i harekete mecbûrdurlar. Yüz On Altıncı Mâdde- Hilâl-i Ahmer Cemʻiyeti'nin merâkiz ve şuʻabâtı heyʼetlerinden kurʻa veya müddetleri hitâmında çıkanların tekrâr intihâbları câizdir. Yüz On Yedinci Mâdde- Şuʻbe meclis-i umûmîsinin karârları merbût bulunduğu merkez meclis-i umûmîsine gönderilerek oraca tedkîk olunur. Merkez meclis-i umûmîsinin mukarrerâtı ve teklîfâtı merkez-i umûmîye irsâl edilir. Yüz On Sekizinci Mâdde- Mecâlis-i umûmiye mukarrerâtı ekseriyet-i mutlaka ile ittihâz olunur. Yüz On Dokuzuncu Mâdde- Aʻzânın bir reʼyi vardır. Tesâvî-i ârâ vukûʻunda reîsin bulunduğu tarafın reʼyi müreccahdır. Yüz Yirminci Mâdde- Mecâlis-i umûmiye karârları bir zabıtnâmeye derc edildikden sonra zîri riyâset edenler ile vilâyât ve kazâlarda aʻzâ-yı mevcûdeden beş ve nâhiyelerden üç zât tarafından imhâ edilir. Yüz Yirmi Birinci Mâdde- Merkez meclis-i umûmîsine iştirâk edecek murahhasları otuz yedinci mâdde hükmüne tevfikan intihâb etmek merâkiz meclis-i umûmîsine âiddir. En çok reʼy kazânanlar murahhas intihâb olunur. Müntehab murahhaslar kongreye iştirâk edemeyecek olduğu hâlde ikinci derecede reʼy kaza- nanlar onları istihlâf ederler. Yüz Yirmi İkinci Mâdde- Bir merkez veya şuʻbenin tasfiyesi veya seddi merkez-i umûmî karâ- rına vâbestedir. Yüz Yirmi Üçüncü Mâdde- Vilâyet merkezleri bi'l-umûm şuʻbeleri dahi dâhil olduğu hâlde bir [236] senelik vâridât-ı umûmiyelerinin yüzde kırkına kadar olan mikdârını mahallî ihtiyâcâtına tahsî- se meʼzûn ve mütebâkîsini merkez-i umûmîye irsâle mecbûrdurlar. Ancak bu hadd-i aʻzamî meʼzûni- yet dâiresinde meclis-i umûmîlerine tanzîm edilecek büdcelerinin merkez-i umûmîce tasdîk edilmesi meşrûtdur. Merâkiz ve bulundukları mıntıkalarda umûmî âfât ve mesâibden biri vukûʻunda o merkez veya şuʻbe kendi idâre heyʼetinin mesʼûliyeti altında sandık mevcûdundan ilk imdâd ve muʻâvenet için şuʻbelerde yüz ve merkezlerde iki yüz elli liraya kadar sarfiyât icrâsına mübâşeretle berâber keyfiyeti merkez-i umûmîye serîʻan ihbâr ve lüzûmu varsa merkez-i umûmîden ayrıca muʻâvenet dahi taleb eder. Yüz Yirmi Dördüncü Mâdde- Bir mahalden diğer bir mahalle nakleden aʻzâ gitdiği mahal mer- kez veya şuʻbesinin bulunduğu sınıfa göre aʻzâsından maʻdûd olur. Merâkiz ve şuʻabât bu nakilden yekdiğerini haberdâr ve muʻâmelât-ı kaydiyeyi tesviye ederler. Yüz Yirmi Beşinci Mâdde- Ayrıca tanzîm kılınacak taʻlîmâtnâme ahkâmına tevfîkan mektebler- de Gençlik Hilâl-i Ahmer Teşkîlâtı yapılır. Yüz Yirmi Altıncı Mâdde- Merkez-i umûmî aʻzâları cemʻiyete âid dâimî bir meʼmûriyet kabûl etdikleri takdîrde aʻzâlık sıfatı zâil olur.