HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 51 2510 Onuncu Fasıl Tedkîk Komisyonu Yüz Yirmi Yedinci Mâdde- Meclis-i umûmî her sene tedkîk komisyonunu teşkîl etmek üzere merkez-i umûmîye dâhil bulunmayan ve merkez-i umûmîye iştirâk hakkını hâiz olan üç aʻzâdan mü- rekkeb bir komisyon teşkîl eder. Bunlardan inhilâl vukûʻunda yerine kâim olmak üzere iki de ihtiyât aʻzâ intihâb eyler. Bu komisyonun vazîfesi teftîşe meʼmûr olduğu senenin hesâbâtıyla o sene zarfın- daki mâlî ve idârî muʻâmelâtı tedkîk etmek ve netîce-i tedkîkâtı hakkında meclis-i umûmîye rapor vermek ve merkez-i umûmînin vereceği büdce lâyihası üzerinde de tedkîkât icrâ ederek mütâlaʻâtını meclis-i umûmîye arz eylemekdir. Tedkîk komisyonunu teşkîl eden üç aʻzâya meclis-i umûmînin tensîb edeceği mikdârda tazmînât iʻtâ olunur. On Birinci Fasıl Cemʻiyetin Menâbiʻ-i Vâridâtı Yüz Yirmi Sekizinci Mâdde- Hilâl-i Ahmer Cemʻiyeti'nin menâbiʻ-i vâridâtı ber-vech-i âtîdir: 1-Aʻzâ taʻahhüdü 2-Aynen ve nakden vukûʻ bulan iʻânât ve teberruʻât 3-Müsâmere ve tenezzüh ve konferans ve çiçek ve sergi ve eyyâm-ı muʻayyenede neşredilecek gazete ve risâle ile şefkat pulu ve piyango vesâire hâsılâtı 4-Maʻbed ve hastahâne ve mekteblere vesâir yerlere konulan Hilâl-i Ahmer iʻâne kutuları hâ- sılâtı 5-Hükûmet ve Evkâf ve belediyeler tarafından yapılacak muʻâvenet 6-Emvâl-i gayr-ı menkûlesinin bedel-i îcârı ve mevcûd sermâyesinin fâizi 7-Bazı vergilere hükûmetçe tarh edilecek küsûr-ı munzamma 8-Hükûmetçe iʻtâ olunacak imtiyâzât [237] ve her gûnâ müsâʻadât hâsılâtı ve bizzât Hilâl-i Ahmer tarafından işletilecek maʻden suları vâridâtı 9-Hilâl-i Ahmer için hükûmet veya belediyelerce ihdâs edilecek menâbiʻ-i vâridât Yüz Yirmi Dokuzuncu Mâdde- Cemʻiyet her sene vâridâtının yüzde onundan eksik olmamak üzere meclis-i umûmîce taʻyîn olunacak bir mikdârını ihtiyât akçesi olarak ayırmağa mecbûrdur. Bu ihtiyât akçesi fevkalâde ihtiyâclara mahsûs olup ancak meclis-i umûmîce verilecek bir karâr üzerine sarf olunabilir. Yüz Otuzuncu Mâdde- Hilâl-i Ahmer nükûdu merkez-i umûmîce tensîb olunan ve devletçe muʻ- teber olan bankalara tevdîʻ ve irbâh olunur. Bu sermâye eshâm ve tahvîlâta kalb edilemez. On İkinci Fasıl Nizâmnâme-i Esâsînin Taʻdîli Yüz Otuz Birinci Mâdde- İşbu nizâmnâme-i esâsînin tecdîd veya bazı mevâddının taʻdîli mer- kez-i umûmî tarafından verilecek esbâb-ı mûcibe mazbatası veya meclis-i umûmî aʻzâsından elli