HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 51 2511 zâtın vereceği takrîr üzerine meclis-i mezkûrca bi'l-müzâkere ekseriyet-i sülüsân-ı ârâ ile kabûl edil- meğe mütevakkıfdır. Teklîf-i vâkiʻ bu sûretle kabûl olunduğu hâlde ol bâbda icrâ-yı müzâkere ile bir karâr ittihâzı husûsu bir sene sonra ictimâʻ edecek meclis-i umûmînin rûznâme-i müzâkerâtına idhâl ve keyfiyet gazetelerle iʻlân olunur. Tecdîd veya taʻdîl hakkında verilecek karârların da ekseriyet-i sülüsân-ı ârâya müstenid bulun- ması şartdır. On Üçüncü Fasıl Merâkiz ve Şuʻabâtının Tasfiyesi Yüz Otuz İkinci Mâdde- Bir şuʻbenin sed ve lağvına mecbûriyet hâsıl olunca nükûduna ve bütün emvâl ü eşyâsına merkez-i umûmî vazʻ-ı yed eder. Yüz Otuz Dördüncü [Üçüncü] Mâdde- 1327 [1911] târîhli Hilâl-i Ahmer Nizâmnâme-i Esâsîsi ve nizâmnâme-i mezbûrun bazı mevâddını muʻaddel olarak icrâ vekîlleri heyʼetinin 5 Şubat 1341 [1925] târîhli ictimâʻında kabûl olunan mevâdd-ı nizâmiye mülgâdır. TOKSİNLERDEN VÜCÛDU TATHÎR İçi dışı yıkamak, iğtisâl-i yevmî, ellerle dişleri yıkamak – Gıdâî toksinler ve bunların vesâit-i muhtelife-i tahrîbiyesi – Riyâzet-i bedeniye – Müleyyenât, tenkıye – Gasl-i dem – Mugaddî serum şırıngaları – Terlemekle toksinlerin refʻi Bedenimizin aksâm-ı hâriciyesini temizlediğimiz gibi samîm-i uzviyetimizi de ne yolda tathîr edebileceğimizi bilmeliyiz. Emr-i ehemm-i iğtisâlin ne mertebe vâcib-i imtisâl olduğu bugün bütün âlem-i medeniyetde gö- rülen vüsʻat-i tatbîkinden anlaşılmakda ve her şahs-ı medenî bedeni temiz tutmağa terbiyeten mecbûr bulunmakda olduğu cihetle bu bâbda uzun uzadıya serd-i delâil bî-sûddur. Cildin tahâret-ı tâmmesi şerâit-i sıhhiyenin en mühim ve müfidi olmakla berâber her hastalık dış pasını yıkamakla gitmediğinden ale'l-usûl fakd-i tegaddî ve artritizm mübtelâlarında sıhhati her lâhza tehdîd eden toksinlerle en son maʻâzallah tesemmüm-i nefsî müntic olabilen evsâh-ı dâhilî-i bedenin de refʻ u izâlesi elzemdir. Binâenaleyh ayna, konsol, kanepe gibi [238] eşyânın yalnız üzerlerini süpürüp de altlarındaki toza tokunmayan tenbel hizmetçiler gibi olmamağa yani vücûdumuzun içini de dışı gibi yıkayarak pîr ü pâk etmeğe elden geldiği kadar iʻtinâ edilmelidir. *** Her ferd-i mütemeddin, uykudan kalkar kalkmaz, mutlakâ elini yüzünü yıkar. Bu lâzıme-i terbi- ye-i medeniyedir. Her gün ılık banyoya girmek veya duş yapmak gibi sıhhî ve selâmet-bahş iʻtiyâdla- ra vakf-ı nefs edenler eksik değildir. Fakat bu istihmâm ve iğtisâfın seyrekçe tekrârının sonunda nez- leye, yorgunluğa, hattâ sinir zaʻfına uğramak ihtimâlleri olduğu gibi şu vesâit-i sıhhiyeden korkarak