HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 51 2513 için her sabâh iki litre kaynamış soğuk su ile tenkıyeyi iʻtiyâd etmesi üzerine levnine revnak, fikri- ne güşâyiş, iştihâsına kuvvet geldiğini kemâl-i şükrân ile iʻtirâf etdiği gibi kırk dört senelik hayât-ı sanʻatım esnâsında musâdif olduğum ahvâlde ve gerek bizzât ıztırâb-dîdesi bulunduğum evrâm-ı bâsûriyenin bâʻis olduğu zâyiʻât-ı demeviyeye çâresâz olmak üzere bundan müfîd ve sehlü't-tatbîk bir tedbîr bulamadığımdan dolayı hâlâ müdâvimi bulunduğum tenkıyeden fevka'l-meʼmûl fâide gö- rüleceğine kâniʻim. *** Asr-ı ahîrin sonlarında Mösyö Haim Doster, Luaye gibi Fransız mütebahhirîni fenn-i tedâvîye gasl-i dem nâmı tahtında yeni bir usûl-i tedâvî ilâve etdiler. Bu da cihâz-ı mahsûsuna merbût bir-iki iğne vâsıtasıyla cildin altına hafifçe tuzlu bir su şırıngasından ibâretdir ki, esâsen taʻkîm edilmiş olan bu su evride-i demeviyeye (siyâh kan damarları) geçerek oradan deverân-ı deme karışmakda ve bu vechile samîm-i ensicemizde birikip kalmış olan mevâdd-ı muzırrayı da süpürüp götürmekde ve bü- tün enkâz-ı istihlâkiyeyi idrâr tarîkıyla defʻ ederek bizi mazarrât-ı bî-nihâyeden kurtarmakdadır. *** Maʻden sularının da bu husûsda kullanılması eskiden beri maʻlûm bir tedbîr ise de tesemmüm bi-nefsihî hakkındaki nazariyât-ı hadîde öğrenileli beri miyâh-ı maʻdeniyenin kıymet ve ehemmiyeti kat kat artmış ve artık bu sulardan herkes gereği gibi istifâdeye başlamışdır. Bedendeki sümûmun ifrâğında birer tahliye musluğu hizmetini gören böbreklerin husûsuyla sinn-i kemâl ve şeyhûhetde hemen her zamân nazar-ı teftîş önünde bulundurulması elzemdir. Bu bâb- daki teyakkuz ve ihtiyât birçok asabîlerin vakitsiz ihtiyârlamasına mâniʻ olur ve çok defa geçirilen buhrân-ı asabîler berrâk idrârlarla hitâma erdiği görülür. İmdi, hareketsizlikle fart-ı semâneye istiʻdâd yüzünden uğranılan evcâʻ ve maʻs ve tevettür-i adalîden muztarib olanlar eli ayağı soğuyup dizleri [240] buz gibi olanlar, az idrâr defʻ edenler, gerek akciğer ve gerek cild tarîkıyla iyice teneffüs edemeyenler, senede iki-üç kere evlerinde bir tedâvî-i tathîrî yani içme yapabilirler. Bunun için de her sabâh hazmı kolay olmakla berâber idrârı pek ziyâde artıran sulardan beher on dakîkada bir küçük kadeh içmek üzere bir şişeyi bitirmek ve bu tarz-ı te- dâvîye üç-dört hafta devâm etmek îcâb etmekde ve ancak bu gibi esâslı tedâbîr ile müzʻic bir ârıza-i bedeniye olan vakitsiz ihtiyârlamanın önü alınabilmekdedir. Vesâit-i muntazama ile terlemekden de pek çok istifâde edilir. Bunun için de İstanbul'daki temiz hammâmlara gidilir ve bugün Avrupa'da buna bedel mevâd hükmüne giren ziyâ-yı elektrikî hammâmlarının tatbîkiyle semizleri zayıflatmak için okkalarla ter dökülür. İstanbul Hilâl-i Ahmer Merkezi Reîs-i Sânîsi Doktor Ali