HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 51 2514 HİLÂL-İ AHMER HAVÂDİSİ Hilâl-i Ahmer Reîsi Hilâl-i Ahmer Merkez-i Umûmîsi Reîsi Sıhhiye ve Muʻâvenet-i İctimâʻiye Vekîli Doktor Refik Beyefendi Ankara'dan İstanbul'a muvâsalat eylemişdir. _______________ Cenevre'ye Giden Murahhaslarımız Cenevre'de inʻikâd eden İkinci Salîb-i Ahmer Konferansı'nda Hilâl-i Ahmer murahhasları sı- fatıyla isbât-ı vücûd eden reîs-i sânîmiz Hakkı Şinasi Paşa ile Hilâl-i Ahmer sâbık Reîs-i Sânîsi Âkil Muhtar Beyefendi İstanbul'a avdet etmişlerdir. _______________ Hilâl-i Ahmer Aʻzâlıkları Beyoğlu Vilâyeti Hilâl-i Ahmer Heyʼet-i Merkeziyesi'nde münhal aʻzâlıklara Nesteren Refik İsmail ve Hadiye Selim Sırrı Hanımlarla Muhâdenet-i Etıbbâ Cemʻiyeti Reîsi Muʻallim Doktor Neşet Osman ve Bank-ı Osmanî Müdürü Keresteciyan Beyler intihâb edilmişlerdir. _______________ Germencik Seylâbzedegânına Hilâl-i Ahmer'in Muʻâveneti Germencik nâhiyesi seylâbzedegânı için evvelce gönderilen çadır, battâniye, melbûsât, yatak, yorgan, meʼkûlât ve levâzım-ı sıhhiyeye ilâveten ahîren iki vagon melbûsât ve erzâk daha irsâl edi- lerek mahallinde müteşekkil komisyon maʻrifetiyle merkez nâhiyesinde ve civârındaki kurâ muhtâ- cînine yeden be-yed tevzîʻ olunmuş ve meskensiz kalan ahâlî de mevcûd çadırlara iskân edilmişdir. _______________ Teşrîn-i Evvel Hilâl-i Ahmer Dispanserler Faʻâliyeti İstanbul Dispanserleri Aded Fatih Dispanseri'ne mürâcaʻat eden hastalar 701 Üsküdar Dispanseri'ne mürâcaʻat eden hastalar 817 1.518 İz mir Dispanserleri İzmir Hilâl-i Ahmer Merkezi'ne merbût 1 numaralı dispanderde tedâvî olunanlar 2.778 İzmir Hilâl-i Ahmer Merkezi'ne merbût 2 numaralı dispanderde tedâvî olunanlar 480 İzmir Hilâl-i Ahmer Merkezi'ne merbût 3 numaralı dispanderde tedâvî olunanlar 667 3.925