HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 51 2523 SALÎB-İ AHMERLER HAVÂDİSİ Kostarika Kostarika Salîb-i Ahmeri memleketde mevcûd bi'l-cümle cemʻiyât-ı hayriyenin faʻâliyet ve mesâʻîsinden aʻzamî istifâde edilmek üzere bir meclis-i millî teşkîli sûretiyle bunların tevhîdine te- şebbüs etmişdir. _______________ İspanya İspanya Salîb-i Ahmeri'nin Zaragoza merkezi pek yakın bir zamânda memleketin en mühim ve en zengin müessesâtından addedilecek yeni bir binâya sâhib olacakdır. Fennin son muʻtiyâtına göre sûret-i mahsûsada inşâ edilecek olan bu yeni binâ, Salîb-i Ah- mer'in tekmîl şuʻabât-ı idâriyesini, bir hastahâneyi, dispanser ve poliklinikleri, imdâd ve muʻâvenet merkezlerini vesâireyi câmiʻ olacakdır. *** Şimendiferlerle bi'l-cümle vesâit-i nakliye-i umûmiye için İspanya Dâhiliye Nezâreti Hıfzıssıh- ha Şuʻbesi tarafından yeni bir sıhhiye nizâmnâmesi tanzîm edilmişdir. Bu yeni nizâmnâme mûcebince ilel-i sâriye hastalarının âdî yolcu arabalarına kabûlü menʻ edilmişdir. Kumpanyalar mezkûr hastalar için tutulacak husûsî bir araba tahsîs edecekdir. Tren vesâir vesâit-i nakliyelerde ve istasyonlarda birer imdâd ve muʻâvenet kutusu bulundurulacakdır. _______________ İskandinavya Memleketleri İskandinavya memleketleri millî Salîb-i Ahmer Cemʻiyetlerinin dört reîsi menâfiʻ-i müştereke- lerine âid mesâili tedkîk ve müzâkere etmek üzere geçen 18 Eylül'de Oslo'da ictimâʻ etmişdir. Birçok husûsâtda menfaʻatleri müşterek olan İskandinavya Salîb-i Ahmerleri Harb-i Umûmî'nin târîh-i infilâkından iʻtibâren bu tarz-ı mesâʻîyi kabûl etmişlerdi. _______________ İsviçre Aʻmâlarla dilsizlerin kazâlardan muhâfaza ve sıyâneti için Almanya ile Avusturya'da kabûl edilmiş olan alâmet-i fârika ahîren İsviçrece de tatbîk edilmeğe başlanmışdır. Baʻdemâ, körlerle sağırlar kollarına üzerinde üç siyâh nokta bulunan sarı bir pazubend taka- caklardır. Dilsizler, aynı alâmeti butonyer yani düğme iliğine taʻlîk edeceklerdir. Bu işâret dilsiz ve sağır- lara hitâb edildiği zamân bu zavallı maʻlûllerin dudakların harekâtını tamâmen taʻkîb edebilmek için kelimeleri güzelce telâffuz etmeği ihtâr mâhiyetindedir. _______________