HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 51 2524 [246] Japonya Büdce masârıfına hiss-i iştirâk olmak üzere Japonya Salîb-i Ahmeri Heyʼet-i İttihâdiye Kitâbe- ti'ne elli bin frank irsâl etmişdir. _______________ Amerika Amerika Salîb-i Ahmer Cemʻiyeti Murahhaslar Kongresi beşinci devre-i ictimâʻiyesini 12 Teş- rîn-i Evvel'de San Luis şehrinde akdetmişdir. Tekmîl Amerika merâkiz ve şuʻabâtı murahhaslarından müteşekkil bu heyʼet-i muʻazzamanın mesâʻîsi hakkında gelecek nüshamızda arz-ı maʻlûmât edeceğiz. *** 1925 senesi ilk üç ayı zarfında Amerika Salîb-i Ahmeri'nin faʻâliyeti şâyân-ı kayıddır. Bu müd- det zarfında ziyâretçi hastabakıcıların mesken ve mekteb ziyâretleri 34.021'e bâliğ olmuşdur. Bu hastabakıcılar 531.518 mekteb çocuğunu muʻâyene etmiş. Amerika Salîb-i Ahmeri yine bu müddet zarfında 3.762 konferans vermiş, 198 sergi tertîb etmiş ve mevcûd 3.053 muʻâyenehânede 53.971 hasta tedâvî edilmişdir. 407.971 sargı ihzâr, 37.471 elbise iʻmâl etmiş ve her ay 33.450 gönüllü hastabakıcı muʻâvini hidemât-ı faʻâlânede bulunmuşdur. Efrâd-ı askeriye ve bahriyeye îfâ edilen muʻâvenetlerden mâʻadâ Salîb-i Ahmer şuʻbe-i askeri- yesi tarafından ziyâret edilen 110 hastahânede 24.906 efrâda muʻâvenet edilmişdir. _______________ Çin Çin Salîb-i Ahmeri, Bulgar muhâcirîni için 3.000 frank göndermişdir. _______________ Norveç Norveç Salîb-i Ahmeri'nin altmışıncı sene-i devriyesi münâsebetiyle kral, âtîdeki beyânâtda bulunmuşdur: "-Sulh-ı cihânı arzu ve temennî eden herkes Salîb-i Ahmer'in aʻzâsı olmalıdır. Salîb-i Ahmer'in ictimâʻî faʻâliyetine mümkün olduğu kadar fazla muʻâvenet etmek her vatandâşın menâfaʻi iktizâsın- dandır. Salîb-i Ahmer'in bütün Norveç ahâlîsi tarafından lâyık olduğu himâyeye mazhar olmasını en ziyâde arzu etdiğim şeylerden biridir". _______________