HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 51 2525 Kanada Kanada Salîb-i Ahmeri müessisi ve ilk reîsi General Sterlin Rierton vefât etmişdir. _______________ Almanya Alman Salîb-i Ahmeri Kadınlar Cemʻiyeti tarafından 1924 senesi meclis-i umûmîsine takdîm edilen raporda tesâdüf etdiğimiz kıymetdâr maʻlûmâtı hulâsaten aşağıya derc ediyoruz: Alman Salîb-i Ahmer Kadınlar Cemʻiyeti'nin 1 Kânûn-ı Sânî'de mevcûd şuʻabâtı 2.239 ve aʻzâ- sı 750.000'dir. 1924 senesinde vâlide ve küçük yavrular için yeniden 63 istişâre merkezleri, 40 verem- lilere muʻâvenet merkezi, 35 maʻlûlîn merkezi küşâd edilmişdir. Hastabakıcılığı sanʻat ittihâz edecekler için bir teşkîlât-ı mahsûsa vardır. Merkez-i umûmî çocuk büyütme, ebelik dersleri tertîb etmiş ve kimyâ laboratuvarları, X şuʻâʻı, ameliy[â]thâne, meʼmûrînin terbiye ve taʻlîmleriyle de iştigâl etmekdedir. [247] Cemʻiyet idâresinde 22 hastabakıcı mekteb ve yurdu, 24 hastahâne, 37 çocuk yurdu, 80 maʻlûlîn yurdu, 1.508 nevâhî serîriyâtı, 9 vilâdethâne, 10 eytâmhâne, 206 veremlilere muʻâvenet merkezi, 1924 ilk imdâd ve muʻâvenet mevkiʻleri, 182 fukarâ matbahları, 2.842 yılbaşı hedâyâsı için tevzîʻ merkezleri ve birçok kreş ve çocuk tevdîʻ mahalleri vardır. Bunlardan mâʻadâ, Alman Salîb-i Ahmer Kadınlar Cemʻiyeti 300 Gençlik Salîb-i Ahmer gru- bunu da idâre etmekdedir. *** Almanya Salîb-i Ahmeri târîh ve edebiyât sâhasında iştihâr etmiş 180 zâtın koleksiyon hâlinde tasvîrlerini neşretmişdir. On sekiz seriye münkasem olan bu koleksiyonların fürûhtundan hâsıl olacak menâfiʻ Zaʻîf ve Müteverrim Çocuklar Müessesesi'ne terk edilecekdir. Müdür-i Mesʼûl: Arif Süleyman