HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 61 2978 azmeden Hilâl-i Ahmer'imize yardım bizlere de borçdur. Böyle bir günde Hilâl-i Ahmer'imizin [15] sevindireceği birkaç yetîm yavruya ve birkaç harb gâzîlerine ve şehîd evlâd âilelerine böyle bir günde yardım etmeyip hangi bir gün yardım edilecekdir? İşte bunu nazar-ı dikkate alan bizler de aynı günün şerefine olmak üzere âtîde bu gibi kardeşlerimize yardım etmek üzere karâr vererek 62 otomobil ile sevgili bayraklarımızı câddelerde dalgalandırmak sûretiyle kulüb salonuna gidilmiş, beş yüz küsûr kişilik olan bu ictimâʻda Hilâl-i Ahmer'in gâyesi hakkında nutuklar îrâd edilerek 315 aʻzâ kaydedil- dikden sonra Hilâl-i Ahmer şerefine kurbânlar kesilip ictimâʻa nihâyet verilmişdir. Amerika'da Detroit Hilâl-i Ahmer Merkezi'nin geçen 19 Mayıs'da tertîb etdiği muʻazzam müsâmerede fedâkârâne bir sûretde ibrâz-ı semâhat eden vatandâşlarımız ile oralarda mütemekkin İslâm ve Türk muhiblerinin fotoğrafîlerini kıymetdâr hâtıra olarak derc ediyoruz. Les photos suivant représentent les membres du comité organisateur de la représentation de gala donnée à Detroit, E.U.A. le 29 mai dernier, au profit du Croissant-Rouge Turc Heyʼet-i şerefiyeden bir grup Detroit Hilâl-i Ahmer Merkezi Faʻâliyeti Amerika'da Detroit şehrinde East-Lafayette’de Ahmed, Mehmed ve Afganlı Ankuk Efendilerin müştereken idâre etdikleri gazinoda Mayıs'ın dokuzuncu günü muʻazzam bir müsâmere tertîb edil- mişdir. Sekiz Mayıs sabâhı, heyʼet-i tertîbiye Türk ve müslümân semt ve mahallelerini dolaşarak Hilâl-i Ahmer Cemʻiyeti menfaʻatine Mayıs'ın dokuzuncu günü bir müsâmere tertîb edildiğini ve yevm-i mezkûrun Hilâl-i Ahmer Günü olarak tesʻîd kılınacağını iʻlân etmiş ve aynı gün Detroit'den otuz beş mil buʻd mesâfede Pontiac [16] şehri de heyʼet-i mezkûre tarafından sûret-i mahsûsada ziyâret edile- rek burada mütemekkin vatandâşlarımız da işbu müsâmereye daʻvet olunmuşlardır.