HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 61 2979 Mayıs'ın dokuzuncu günü müsâmere mahalline fevcâ fevc vürûd eden medʻuvvîni Detroit Hilâl-i Ahmer Reîs-i muhteremi Resul Derviş Bey istikbâl ederek arz-ı şükrân etmişdir. Hizmetleri sebk eden küçük hanımlar grubu Resul Derviş, hâzırûna merkezin vazʻiyet-i mâliyesini îzâh etdikden sonra Hilâl-i Ahmer'e muʻâvenetin şahsa, vatana, millete ve dîn ve insâniyete hizmet olduğu meâlinde îrâd eylediği nutku pek çok alkışlara mazhar olmuşdur. Mûmâileyhimden sonra Erzurum'un Kiğı kazâsından Arif Bey kerîmesi Memi Hanım İngiliz- ce söylediği nutukda Amerika'da ve bilhâssa Detroit'de çalışan Türklerin ve Türk câmiʻasına dâhil bulunanların [17] fedâkârlığı bir lisân-ı takdîr ile yâd edilmiş ve Türk ve Amerika bayraklarında bir müşâbehet gördüğünü ve Cemâhîr-i Müttehide'nin çalışanları dâimâ sevdiğini ve onlara dâimâ rehberlik etdiğini ve Amerika'nın mefkûre-i insâniyeti dâimâ iʻlâ arzusunda bulunduğunu bir tarz-ı belîğânede tasvîr etdikden sonra sözlerine nihâyet vermiş ve hâzırûn tarafından fevkalâde alkışlan- mışdır.