HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 61 2983 Memi Hanım'ı müteʻâkib müessis-i aʻzâdan Ömer Efendi ve daha birçok zevâtın nutukları is- timâʻ edilmişdir. Bilhâssa İstanbul Çamlıca Sultânîsi'nden meʼzûn MelekAbdülehad Hanım'ın Hilâl-i Ahmer'in istihdâf etdiği gâyenin ulviyetini tasvîr eden gâyet müessir ve samîmî hitâbesi çok alkış- lanmışdır. Nısfü'l-leyle kadar devâm eden bu müsâmereden medʻuvvîn iʻtâ-yı iʻânede yekdiğeriyle müsâbaka edercesine fevkalâde fedâkârlık göstermişdir. 30 Mayıs'da Şikago'da ve 4 Temmuz'da Milwaukee-Wisconsin'de derc olunan iʻânât dahi mü- him yekûnlara bâliğ olmuşdur. Mecmûʻa nın mahdûd sahîfelerinde daha fazla tafsîlât veremediğimizden dolayı müteessifiz. Ekserîsi tünel hafriyâtında müstahdem bulunan bu vatandâşların ne büyük mihnet ü meşakkatle maʻî- şetlerini teʼmîn etdiklerini düşündüğümüz zamân gösterdikleri fedâkârlığı cidden muhayyirü'l-ukûl buluyoruz. Vatandan cüdâ bu yüksek kalbli insânları takdîsât-ı vicdaniye ile tezkâr ederken Reîs Derviş Resul Bey'e, heyʼet-i tertîbiyeye ve müteberriʻîn-i kirâma en hâr, en samîmî teşekkürâtımızı takdîme müsâraʻat eyleriz. Merâkiz ve Şuʻabât Hulâsa-i Hesâbiyeleri İstanbul Merkezi'nin 1 Nisan [1]926 târîhinden 30 Haziran [1]926 târîhine kadar Makbûzât Maktûʻ makbûz mukâbilinde iʻânât ve âidât 218.234 Maktûʻ makbûz mukâbilinde olmayan iʻânât 354.047 Vâridât-ı muhtelife 4.364,50 Çiçek Günü hâsılâtı 343.669 Pul hâsılâtı 26.194 Müsâmere hâsılâtı 7.007,25 Borçka şuʻbesinin irsâlâtı 10.000 963.515,75 Teʼdiyât Merkez-i umûmîye irsâlât - Muʻâvenât-ı muhtelife 134.659,50 Masârıf-ı idâre 186.963,50 Çiçek Günü masrafı 36.400,25 Yekûn 358.023,25