HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 61 2990 3-İlk tahsîl şehâdetnâmesini hâiz olmak veya o derece tahsîl görmüş bulunmak. (Şehâdetnâme- si olmayan imtihâna tâbiʻ tutulacakdır.) 4-Sıhhati tâm olmak. (Sıhhî muʻâyene yapılacakdır.) 5-Müteehhil olmamak. Evvelce evlenmiş ve dul kalmış ise çocuğu bulunmamak 6-Mektebin taʻlîmâtına riʻâyeti ve tahsîli terk etdiği hâlde terk târîhine kadar ihtiyâr olunan masârıfın tazmînini tahrîren taʻahhüd etmek Bu sene elli tâlibe alınacakdır. Mürâcaʻat edenlerin adedi fazla olursa müsâbaka imtihânı yapı- lacakdır. Orta tahsîl görmüş olanlar mürâcaʻat fazla olsa da tercîhen ve imtihânsız kabûl olunacakdır. Kayıd muʻâmelesi Eylül nihâyetine kadardır. Tâlibelerin bütün tahsîl müddetince iʻâşe ve ilbâsları mekteb tarafından teʼmîn edildiği gibi münâsib mikdâr harclık da verilir. _______________ Pul Resmi Müsâbakası Hilâl-i Ahmer şefkat ve hâtıra pullarına konulmak üzere şerâit-i âtiye dâiresinde ikrâmiyeli müsâbaka açılmışdır. 1-Resimler, Hilâl-i Ahmer şefkatinden ve cemʻiyetin mesbûk hidemâtı hâtırasından mülhem olacakdır. 2-Resimler, bakır levha ve tipografiye kâbil-i nakil bir sûretde yapılacakdır. 3-Müsâbakaya iştirâk eden her zât birisi şefkat ve muʻâveneti temsîl etmek ve diğeri Hilâl-i Ahmer hidemâtını tahattur etdirmek üzere iki resim yapacakdır. 4-Resimler müsâbakanın târîh-i iʻlânından kırk gün zarfında Ankara'da Hilâl-i Ahmer Merkez-i Umûmîsi'ne teslîm olunacakdır. 5-Heyʼet-i idâre tarafından yapılacak intihâbda birinci zâta iki resmi mukâbili 500, ikinciye 300 lira ikrâmiye iʻtâ edilecekdir. 6-Müsâbakaya iştirâk edip resimleri ikinciden sonra intihâb edilen zevâtın arzu etdikleri takdîr- de resimleri muʻayyen bir bedel mukâbilinde satın alınabilir. _______________ Beyoğlu Hilâl-i Ahmer Şuʻbesi Beyoğlu Hilâl-i Ahmer Şuʻbesi Kongresi, Eylül'ün on ikinci günü Doktor Hekîmbaşı [26] zâde Muhyiddin Bey'in taht-ı riyâsetinde akd-i ictimâʻ etmişdir. Celse küşâd edildikden sonra kongre riyâsetine ekseriyet-i ârâ ile Abdullah Münir, kitâbete Muhâmî Salahaddin Emin Beyler intihâb olunmuşlardır. Baʻdehû büdce tedkîk ve bazı taʻdîlâtla kabûl edilmiş ve vâridâtın yüzde yirmi sarfıyla büdce- ye mevzûʻ taʻahhüdât ve tahsîlâtın teʼmîni imkân hâricinde görülerek sarfiyâtın yüzde otuza iblâğı karârgîr olmuşdur. _______________