HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 61 2996 Salîb-i Ahmer bu mesâibzedegân için de 3.000.000 dolar sarf etmişdir. Zikretdiğimiz âfât ve mesâibden mâʻadâ ikinci derecede hâiz-i ehemmiyet olan kasırgalarla maʻâdin iştiʻâlâtı ve harîkler için yapılan muʻâvenetler bu erkâma dâhil değildir. 1922 senesinde zuhûr eden 66 âfet ve felâkete 1.441.000 dolar ve 1923 senesinde 39 felâkete 400.000 dolar ve 1924 senesinde 62 felâkete 737.000 dolar ve 1925 senesinde vukûʻ bulan âfet için 3.500.000 dolar iʻâne Salîb-i Ahmer tarafından tevzîʻ edilmişdir. *** Neşrolunan son raporlara nazaran Cemâhîr-i Müttefika-i Amerika'nın ihtiyât hastabakıcı mek- tebinin el-yevm 42.876 aʻzâsı vardır. Bunlar emrâz-ı müstevliye, âfât ve mesâib-i umûmiye zuhûrun- da ve ahvâl-i istisnâiyede muʻâvenetle de mükellefdir. Amerika hastabakıcıları aynı zamânda ordu, bahriye ve sıhhiye-i umûmiyenin ihtiyât hastaba- kıcısı heyʼetini teşkîl ederler. *** Harb-i Umûmî'ye iştirâk eden efrâda muʻâvenetle meşgûl olan 2.591 Amerika Salîb-i Ahmer şuʻabâtı 1923 senesinde efrâd-ı mezkûre için 2.237.000 dolar sarf etmişdir. Bu şuʻbeler ayrıca efrâdın devâir-i hükûmet nezdindeki mutâlebâtını taʻkîb ve hastahâneye ka- bûllerini teshîl ve husûsât-ı zâtiyelerine yardım etmekdedir. *** Amerika Salîb-i Ahmer Cemʻiyetleri ikinci konferansda Cemâhîr-i Müttefika Salîb-i Ahmer İstihbârât ve Kayd-ı Aʻzâ Şuʻbesi Müdürü Mister Douglas tarafından îrâd edilen nutukda iʻlânât ve yeniden aʻzâ kaydı usûl ve kavâʻidine temâs eden kısmında [30] mühim ve câlib-i nazar-ı dikkat bazı telkînât ve beyânâta tesâdüf olunmakdadır. Amerika Salîb-i Ahmeri'nin her sene Teşrîn-i Sânî'de yapdığı Aʻzâ Kaydı Seferberliği Teş- kîlâtı'na Kânûn-ı Sânî'de başlandığı için istihzârâtın uzun sürmesinde ve aʻzâ kaydı mücâdelesi târîhi- nin senenin ne pek sıcak ve ne de soğuk olmayacak bir zamâna tesâdüf etdirilmesindeki ehemmiyeti îzâh etmişdir. Yeniden aʻzâ kaydında yapılacak şey evvel emirde bir müdür taʻyîn ve baʻdehû tekmîl merâkiz ve şuʻabâtı elde edecek vâsıtayı tedkîk etmekdir. Aʻzâ Kaydı Seferberliği merâkiz ve şuʻabâta tevdîʻ edilmesini ve şuʻbe bulunmayan şehir ve kasabalarda bir Salîb-i Ahmer Komitesi teşkîl edilerek vezâifine âid taʻlîmâtın merkez-i umûmîden iʻtâsını Mister Douglas müdebbirâne bir hareket olarak tavsiye etmekdedir. Mûmâileyh, merkez-i umûmîden büyük şehirlere iʻzâm kılınacak bir murahhasın o şehirdeki merkezle baʻde'l-müzâkere en münâsib Seferberlik Teşkîlâtı'nı ihzâr etmesine tarafdâr görünüyor. Mister Douglas bu teşkîlât hakkında en müfîd sistem olmak üzere şu sözleri ilâve ediyor: