HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 61 2997 "-İlk kâʻide memleketde her âileyi ziyâret ederek Salîb-i Ahmer'e aʻzâ kaydetdirmeğe ve aʻzâ âidâtını istihsâle muvaffak olacak bir kimseyi meʼmûr etmekdir. Umûmiyet üzere bu husûsda en ziyâ- de kadınlar evsâf-ı lâzımeyi hâizdirler. Her hâneyi ziyârete kâfi meʼmûr istihdâmı gayr-ı mümkin olan büyük merkezlere kâbil-i tatbîk olacak ikinci kâʻide ise ticârethâne ve bürolarla teʼsîs-i münâsebât etdikden sonra erkek ve kadın tekmîl meʼmûrîn ve müstahdemîni Salîb-i Ahmer'e aʻzâ kaydetmek ve aʻzâ âidâtını tahsîle müstah- demînden birinin meʼmûr edilmesini şeflerinden ricâ ve iltimâs eylemekden ibâretdir. Yeniden aʻzâ kaydolunanların esâmîsi ile toplanan âidât bilâhare o büro ve ticârethâne tarafından Salîb-i Ahmer Merkezi'ne gönderilecekdir". Teşkîlâta meʼmûr olan idâre, her komite için lâzım olacak propaganda vesâitini irsâle mecbûrdur. Bu vesâit ise evvelâ Aʻzâ Kaydı Seferberliği'nin iʻlân ve küşâdında bir-iki hafta mukaddem mağaza camekânlarına, şimendifer istasyonlarına, posta şuʻbelerine ve münâsib mahallere taʻlîk olu- nacak iʻlânları; sâniyen halkı aʻzâ kaydına teşvîk edecek diyapozitif câmlar, Salîb-i Ahmer icrâât ve mesâʻîsi hakkında maʻlûmât ve îzâhâtı hâvî risâleler (Amerika'da dört milyon kadar tevzîʻ edilir.) ve aynı zamânda Salîb-i Ahmer reîsi bulunan reîsicumhûrun halkı Salîb-i Ahmer'e aʻzâ kaydolunmağa ve muʻâvenete teşvîk eden hitâbesidir. Bir de Aʻzâ Kaydı Seferberliği'nin küşâdına tekaddüm eden ve "Salîb-i Ahmer Pazar Günü" nâmı verilen günde propaganda için kilise râhiblerinden de istifâde olunmakdadır. *** Amerika Salîb-i Ahmeri, Meksika'da vukûʻ bulan feyezânlardan mutazarrır olanların ihtiyâcâtı- na sarf edilmek üzere 5.000 ve Bulgar muhâcirleri için de ayrıca 5.000 dolar teberruʻ etmişdir. Venezuela Venezuela Salîb-i Ahmeri, Bulgar muhâcirlerinin ihtiyâcâtına sarf edilmek üzere 2.000 frank göndermişdir. [31] İsviçre İsviçre Salîb-i Ahmeri'nin sulh zamânına âid vezâifi meyânında kâbil-i nakil ve sirâyet emrâza karşı tertîb etdiği propaganda mühim bir mevkiʻ işgâl eder. İsviçre'de bu maksad-ı sıhhîyi taʻkîb eden birçok cemʻiyetler olup İsviçre Salîb-i Ahmer Kitâbet-i Umûmiyesi bu cemʻiyetlerin birçok komite- lerinde mensûb olduğu cemʻiyeti temsîl eder. İsviçre Salîb-i Ahmeri bu cemʻiyetlerin de iştirâkiyle birçok konferanslar tertîb etmişdir. 1925 senesi zarfında Salîb-i Ahmer'in diyapozitif câmları koleksiyonundan istifâde edilerek âtîdeki konfe- ranslar verilmişdir: Aded İlk imdâd ve muʻâvenete dâir konferans 22 defa Ayak hıfzıssıhhasına dâir konferans 9 defa