HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 61 2998 Boyun urlarına dâir konferans (2 seri) 13 defa Kanser hakkında konferans (2 seri) 13 defa Verem hakkında konferans (3 seri) 15 defa Dişler hakkında konferans 14 defa Yeni doğan çocuklar hakkında konferans 24 defa Çocuklarda intânî hastalıklar hakkında konferans 16 defa Kâhillerde intânî hastalıklar hakkında konferans 14 defa Raşitizm hakkında konferans 5 defa Çiçek hastalığı hakkında konferans 10 defa İrsiyet hakkında konferans 2 defa Gebelik hakkında konferans 3 defa Rusya'ya gönderilen hastahânelere dâir konferans 7 defa Salîb-i Ahmerlerin harb ve sulh zamânlarındaki faʻâliyetine dâir konferans 3 defa Ayyâşlık hakkında konferans 1 defa Kolombiya Kolombiya Salîb-i Ahmer Reîsi müessisîninden Doktor Hipolido Machada?, Mayıs'ın on altın- cı günü vefât etmişdir. Doktor Machada'nın vefâtı Tıb Akademisi, Eczâcılar Cemʻiyeti ile memleketin bi'l-cümle ilmî ve insânî müessesât ve cemʻiyâtı için hakîkî bir ziyâʻdır. Doktor Machada yerine riyâsete maʻlûmât-ı vesîʻa-i ilmiyesiyle şöhret-şiʻâr Doktor Calderon intihâb olunmuşdur. Panama Amerika Salîb-i Ahmerler İttihâdı birinci konferansının ilk ictimâʻ târîhi olan 1923 senesinden iʻtibâren Panama Salîb-i Ahmer Cemʻiyeti çocuk vefeyâtının önüne geçmek maksadıyla faʻâl bir mücâdeleye girişmişdir. El-yevm bu mücâdele ile meşgûl on beş ziyâretçi hastabakıcı her sene Salîb-i Ahmer serî- riyâtında 9.000 kadar çocuğun tedâvîsine hasr-ı himmet etmekde ve çocukların gıdâ ve muʻâlecâtı meccânen iʻtâ olunmakdadır. Bu serîriyâtın küşâdından beri vefeyât-ı etfâl 1.000'de 237'den 138'[e] tenezzül etmişdir. 1920 târîhinde teʼsîs olunan Çocuk Yurdu da mesʻûd netîceler vermişdir. Burada mevcûd 120 çocuk sanʻat tahsîli için bir dârüleytâma naklolunacaklardır. Panama Salîb-i Ahmeri diğer cihetden muʻâvenetini teşmîl etdiği veremlilerin yemek ve muʻâ- lecâtını da teʼmîn etmişdir. Bunlardan mâʻadâ, muhtelif tâbiʻiyet ve milliyete mensûb yüz kadar miskînin tedâvî edildiği Paulo-Luco? Miskînhânesi'ne Panama Salîb-i Ahmeri îfâ-yı muʻâvenet etmekdedir.