HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 61 2999 Panama Salîb-i Ahmeri'nin Muʻâvenet-i İctimâʻiye Şuʻbesi müstahıkk-ı muʻâvenet bulduğu fakîr âilelere yardım ve müddet-i mahbûsiyetini ikmâl eden kadın ve erkeklere iş teʼmîn eder ve on- ların maʻneviyâtını yükseltir. [32] Çekoslovakya Geçen yaz Çekoslovakya Salîb-i Ahmeri'nin yedi şuʻbesi tarafından müştereken teʼsîs olunan taʻtîl kolonisine erkek ve kız olmak üzere 60 çocuk kabûl edilmiş ve çocuklar güzel bir meşcerede altı hafta kalmışlardır. İki muʻallim, bir tabîb ve iki hastabakıcının nezâretine tevdîʻ edilen bu çocukların taʻlîm ve terbiyeleri, sıhhatleri, gıdâları bir iʻtinâ-yı mahsûs ile taʻkîb edilmişdir. Her çocuk koloniye kabûl edilmezden evvel bir muʻâyene-i tıbbiyeye tâbiʻ bulundurulmuş ve herhangi bir hastalık aʻrâzı gösteren etfâl ise derhâl arkadâşlarından tecrîd olunarak berây-ı tedâvî muvakkat hastahâneye nakli usûl ittihâz kılınmışdır. Çocukların her hafta icrâ edilen muʻâyenelerinde sıklet-i bedeniyelerinin pek mahsûs bir de- recede tezâyüd etdiği ve altı hafta zarfında erkek çocuklarda asgarî bir kilo ve kızlarda 800 gram ve erkek çocuklarda aʻzamî beş kilo 900 gram ve kızlarda 6 kilo bir terakkî müşâhede edilmişdir. Taʻtîlin hitâmında çocukların ahvâl-i umûmiyelerinde şâyân-ı memnûniyet mühim bir salâh görüldüğünü ve fakrü'd-dem ile boyun bezlerinin gâib olduğunu tabîb beyân etmişdir. Taʻtîl kolonisinde usûl ve kavâʻid-i mevzûʻanın hüsn-i cereyânını teʼmînen bizzât çocuklar tarafından müntehab çocuk şef ve müfettişlerle etfâlin fikr-i teşebbüs, muʻâvenet-i mütekâbile ve serbestî harekâtından istifâde edilmişdir. Müdür-i Mesʼûl: Arif Süleyman [33] Hilâl-i Ahmer'e aʻzâ kaydolan her vatandâş gerek şahsı ve gerek vatanı için en mühim bir vazîfeyi îfâ etmiş olur.