HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 62 3031 İzzeddin Bey tarafından sünnet ameliyesi yapılmışdır. Bu muʻâmele-i insâniyet-perverâne halk üze- rinde gâyet derîn bir hiss-i iftihâr bırakmışdır. Sünnetleri yapılan çocukların elbise, ayakkabı, serpûş gibi levâzımâtı, bir günlük iʻâşeleri dahi teʼmîn ve bu vechile çocuklar, ebeveynlerinin icrâsına muk- tedir olamayacakları derecede refâh u sürûra mazhar olmuşdur. Sünnet programı sûretidir. 1) 1926 senesi Eylül'ünün ikinci Perşembe günü Hilâl-i Ahmer Cemʻiyeti Soma Şuʻbesi tara- fından bi'l-umûm yetîm ve fakîr çocuklar için sünnet düğünü yapılacağından düğün tertîbât-ı âtiye dâiresinde icrâ olunacakdır. 2-Düğün Eylül'ün ikinci günü icrâ kılınacağına nazaran çocukların melbûsât vesâire istihzârâtı- na medâr olmak üzere sünnet olacak yetîm ve fakîr çocukların 25 Ağustos [1]926 târîhine kadar behemahâl Soma Hilâl-i Ahmer Şuʻbesi Reîsi Doktor İzzeddin Bey'e mürâcaʻat edip kaydolunmaları lâzımdır. Târîh-i mezkûrdan sonra mürâcaʻat kabûl değildir. 3-İkinci mâdde mûcebince kayıdlarını icrâ etdirmiş olan çocuklardan köylüler Eylül'ün birinci Çarşamba günü öğleden sonra, yerliler ikinci Perşembe günü sabâh sâʻat alaturka on ikide Hilâl-i Ahmer şuʻbesinde hâzır bulunacaklar ve sâʻat birde köylü ve yerli çocuklar müctemiʻan hammâma götürülecekler. Hammâmdan çıkdıklarında Hilâl-i Ahmerce ihzâr edilmiş [58] olan melbûsât giydi- rilerek Hilâl-i Ahmer dâiresine avdet adecekler ve hâzırlanmış olan belediye bâğçesinde bir müddet istirâhat ve âhenk eyleyecekler. Alaturka sâʻat üçde Belediye Sandık Emîni Hacı Hâfız ve Hâfız Sadi Efendiler tarafından câmiʻ-i şerîfde mevlid-i şerîf kırâat olunacakdır. 2 Eylül 1926'da Hilâl-i Ahmer Cemʻiyeti Soma Şuʻbesince icrâ kılınmış olan sünnet düğünü grubu Cérémonie de circocision organisée à Soma par le Comité du Croissant-Rouge 4-Mevlid-i şerîfin kırâatını müteʻâkib müftü efendi tarafından duʻâ olunacak. Câmiʻ-i şerîfden çıkılarak doğruca belediye bâğçesine gidilecek, orada Hilâl-i Ahmer fevâid ve muhassenâtına dâir