HİLÂL-İ AHMER MECMÛʻALARI / CİLT 7

Reîsicumhûr hazretlerinin 1 Teşrîn-i Sânî'de Büyük Millet Meclisi'nde îrâd etdikleri nutkun Hilâl-i Ahmer'e taʻalluk eden kısmı Efendiler! Târîh-i harb-i sıhhîde ve memleketin muʻâvenet-i ictimâʻiye ve târîhinde bir mevkiʻ-i mahsûs ihrâz etmiş olan Türkiye Hilâl-i Ahmer Cemʻiyeti'nin bu sene zarfında mübâdillerin sıhhî ve ilbâs ve iskân umûruna ve memleketin âfât-ı ictimâʻiye ve arziyesine yapdığı kıymetli yardımları takdîrle zikrederim. (Alkışlar) Hilâl-i Ahmer aʻzâ adedinin memleketin rüşd-i ictimâʻîsi ile mütenâsib bir dereceye varmasını ve bütün milletin bu tenâsübü teʼmîn etmesini temenni eylerim. 63 numaralı Hilâl-i Ahmer Mecmûʻası'na ilâvedir.