HİLÂL-İ AHMER MECMÛʻALARI / CİLT 7

3067 Altıncı Sene 10 Cemâziyel evvel sene 1345 / 15 Teşrîn-i Sânî 1926 Numara 63 Makâlât ve İʻlânât, Mecmûʻa Müdüriyeti'ne Gönderilmelidir. TÜRKİYE HİLÂL-İ AHMER MECMÛʻASI Derc Edilmeyen Evrâk ve Makâlât İʻâde Edilmez. Her Ayın On Beşinde Neşrolunur. Senelik abonesi bir liradır. Merciʻi: Yerebatan Câddesi'nde Hilâl-i Ahmer Merkezi. Telefon: İstanbul 2653 Mündericât: Reîsicumhûr Gâzî Mustafa Kemal Paşa Hazretlerinin Îrâd Buyurdukları Senelik Nutuklarında Hilâl-i Ahmer Mesâʻîsi – İctimâʻî Hıfzıssıhha – Verem ile Mücâdele Edebilir miyiz? – İlk İmdâd – Geceleri Yatakda Mütâlaʻa Muzır mıdır?– Hilâl-i Ahmer Havâdisi – Fransızca Kısmı – İngilizce Kısmı BÜYÜK MİLLET MECLİSİ'NDE REÎSİCUMHÛR HAZRETLERİNİN İFTİTÂHÎ NUTUKLARINDA HİLÂL-İ AHMER'İ TAKDÎR 1 Teşrîn-i Sânî'de Büyük Millet Meclisi'nin ilk ictimâʻında reîsicumhûr hazretleri îrâd bu- yurdukları senelik nutuklarında himâye-i fahîmânelerinde bulunmakla mübâhî olan Hilâl-i Ahmer Cemʻiyeti'nin mesâʻî ve icrââtı takdîrlerle yâd edildikden sonra cemʻiyetimiz aʻzâ adedinin Türk milletinin rüşd-i ictimâʻîsiyle mütenâsib bulunması ve bütün milletin bu tenâsübü teʼmîn etmesi te- menniyâtı ızhâr buyurulmuşdur. Reîsicumhûr hazretlerinin işbu iltifât-ı ber-güzîde ve irşâdât-ı celîleleriyle merkez-i umûmî- mizin tezyîd-i feyz ü kudret etmesi Hilâl-i Ahmer için kemâl-i minnet ü şükrânla kaydolunacak en büyük bahtiyârlıklardandır. Fi'l-hakîka birçok ecnebî Salîb-i Ahmer Cemʻiyetlerinde görülen âsâr-ı terakkî ve tekâmül bu cemʻiyetlerin binlere ve hattâ milyonlara varan aʻzâsının iştirâk-i mesâʻîsi sâyesinde vücûda geldiği maʻlûmdur. Reîsicumhûr hazretlerinin irşâd ve arzuları dâiresinde cemʻiyetimiz kendi aʻzâsının adedini artdırmağa bütün kuvvetiyle bezl-i mesâʻî etmekle berâber nutk-ı iftitâhîdeki sözler Hilâl-i Ahmer mefkûresini memleketin her tarafına neşr u taʻmîmde mühim ve büyük bir âmildir. Bu kıymetdâr hitâb, yeniden aʻzâ kaydı için âdetâ seferberlik açıyor demekdir. Mesʻûd netîce- sinde Türk Hilâl-i Ahmeri'nin aʻzâ adediyle de yükseleceğinde şübhe yokdur. Hilâl-i Ahmer'e pek büyük şeref bahşeden cemʻiyetin hâmî-i müfahhamı Reîsicumhûr Gâzî Mustafa Kemal Paşa hazretlerine Türkiye Hilâl-i Ahmer Mecmûʻası en derîn hislerini ve en kalbî minnetdârlığını taʻzîm ü tekrîm ile arz u takdîm eder.