HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 63 3069 Vâlidenin gerek gebelik ve gerekse lohusalık anındaki ahvâli resmî sûretde taʻyîn olunan ve bu husûsâtda mütehassıs, kâbiliyetli nörsler tarafından taʻkîb olunarak derecât imlâ edilmekde olduğu gibi bebeğin tarz-ı hayât ve bakılışı da etıbbâdan ziyâde ziyâretçi nörsler tarafından vâkiʻ olagelmek- dedir. Ancak bebeğin müsâbakaya iştirâk zamânı yapılan ve 250 numara kazanan muʻâyene-i tıbbiye- si bir heyʼet-i tıbbiye tarafından yapılmakdadır. Bu heyʼet her şuʻbede mütehassıs çocuk doktorların- dan müteşekkil olup çocuğun her cümle ve aʻzâsı, heyʼet-i umûmiye-i sıhhiyesi gâyet dakîk ve yegân yegân tedkîk ve muhâkeme olunur. Bu cihetle müsâbakaya iştirâk eden binlerden yevmiye ancak 30-40 tânesi muʻâyene olunabilmekde ve bunlara dört renkden mü[te]şekkil kurdelalar verilerek içle- rinden birisi bilâhare birincilik almakdadır. Her günün birinci ayrılanları en son gün toplanarak nihâî derecât olan ve mükâfâta kesb-i istihkâk eden kral-kraliçeler tefrîk olunurlar. Bu müsâbakalar her hükûmet ve memleketde oldukça farklı usûl ve tarzlar tahtında yapılırsa da heyʼet-i umûmiyesi yekdiğerine müşâbihdir. Her mahallin kendine mahsûs şehâdetnâmeleri ve dereceleri ale'l-ekser muhtelifdir. Bebek müsâbakalarının sıhhat-i umûmiyeye olan teʼsîri âşikârdır. Bu müsâbakalar teʼsîrleriyle seneden seneye ırkda tekâmül ve bebek bakmak usûllerinde vâlidelerin tenevvür ve terakkîsi ziyâde- leşmekdedir. Senenin muʻayyen günlerinde veya birkaç senede bir şehir ve kasabada yapılagelen bu müsâba- kalara iştirâk eden halk bazen yüz binlerce kişiye bâliğ olduğu düşünülürse bu kabîl meşherlerin ve meselâ Himâye-i Etfâl İstanbul Merkezi'nin Kalender'de ve ez-cümle Süt Damlası Müessesesi'ne mukayyed mini mini yavrular arasında tertîb etdiği sıhhat ve güzellik müsâbakaları gibi velev ki basît ve ibtidâî tarzda olsun, memleketimizde ve şimdilik belli başlı büyük şehirlerimizde de başlanmasını temennî etmek hakkımızdır. _______________ Bir çocuk meşherinde mükâfât kazanmak için îcâb eden dereceli şehâdetnâme sûreti Târîh Numara… Târîh-i Vilâdet… Cins… Vâlidenin Milliyeti… Peder… Vâlidenin Yaşı… Pederin Yaşı…Vâlidenin Sıhhati… Pederin Âfiyeti…Yaşayan Çocukların Adedi…Yaşları… Bebek Yaşında Ölenlerin Adedi… Hısım ve Akrabânın Öldüğü Hastalıkların Taʻdâdı… 1-Gebelik zamânında vâlideye âid menâkib (250) Müfredât Tâm Derece Takdîr Edilen Sanʻat ve meşgûliyet… Tenezzüh ve eğlence… 20 Lohusalıkdan evvel terk-i meşgûliyet müddeti 10 Lohusalıkdan evvel doktora muʻâyene etdirilen zamân… 20 [80] Havsalanın ölçüleri dâhil olduğu hâlde tâm bir muʻâyene-i beden ve îcâb eder ise Wassermann… 70