HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 63 3074 Havâdâr ve ziyâdâr yerlerde yerleştirilen mini minilerin sıhhatleri pek mükemmel bir hâlde devâm ve hayâtlarını ve sıhhatlerini kazanabilmek imkân ve ihtimâlleri günden güne tezâyüd etmekdedir. Acabâ çocuğu bir âile nezdine yerleştirmekle iş bitiyor mu? Hayır! Bilakis asıl vazîfe o vakitden iʻtibâren başlıyor. Çocuğun neşv ü nemâsını taʻkîb etmek, gıdâlarını kâfi sûretde teʼmîn etmek, meme sâʻatlerini tesbît etmek, verilen süt mikdârını, emzirde müddetini taʻyîn etmek çocuklarda görülen en ufak miʻdevî ve miʻâî teşevvüşâta karşı lâzım gelen tedâbîr-i tıbbiyeye mürâcaʻat etmek lâzımdır. Bu gibi dakîk mesâʻî hastabakıcıların dûş-ı zaʻflarına [83] yüklenmekdedir. Âile nezdine yerleştirilen çocuklar dispanserlere yakın olmalıdırlar. Bu sûretle çocukların hastabakıcı hemşîreler tarafından daha sık sık kontrolü kâbil olmakdadır. Hemşîreler sütü ihzâr ve tevzîʻ ederler. Dispanserlerde bulunan bir mütehassıs tabîb her gün mun- tazaman tıbbî müşâverelerine devâm eder. Dispanserlere merbût beş-on yataklı revirlerin bulunması lâzımdır. Zîrâ çocuklar burada muvakkat bir zamân alıkonularak müşâhede altına alınır. En ufak bir ârıza-i maraziye taʻkîb edilebilir. Bu işleri başaracak Fransa'da "Lʼoeuvr du placement familial de fout petit" nâmıyla bir takım müessesât-ı hayriye-i sıhhiyeler mevcûddur. Bu teşkîlâtın Fransa'da hâl-i hâzırda yedi merkezi vardır. Bu merkez tarafından 320 çocuk muhtelif âileler nezdine yerleştiril- mişdir ve her türlü istirâhatleri hakkıyla teʼmîn edilmişdir. Sıhhatleri muntazaman kontrol edilmekde ve en ufak bir ârıza görülür görülmez hastahâneye yatırılmakdadırlar. Her merkez, bir doktor ile birçok hastabakıcılardan terekküb etmekdedir. Merkez dâiresinin tâlî dâire ve şuʻabâtı vardır. Bu tâlî şuʻbeler mütehassıs doktorun emri altındadır. Merkezin Teşkîlâtı Bir dispanser, bir ınfirmerie ve bir biberon tevzîʻ eden kısımlardan mürekkebdir. Merkezde pek küçük yaşdaki çocuklar kabûl edilmekdedir. Tâlî şuʻbeler on beş aylıkdan 4 yaşına kadar olan çocuklara mahsûsdur. Bu teşkîlât sâyesinde fevkalâde şâyân-ı memnûniyet netîce- ler elde edilmişdir. Vâlidelerinden ayrılarak takayyüd ve ihtimâm ile bakılan bu çocuklara âid olan istatistikler şâyân-ı dikkat netîceler vermişdir. 265 çocukdan 123 adedi doğar doğmaz vâlidelerinden ayrılmışdır. 142 adedi vâlideleriyle bir müddet berâber bulunduktan sonra tecrîd edilmişdir. Vakt-i muʻayyeninde doğan çocuklarda (kiloları tabîʻî) bunların neşv ü nemâları iki tarzı taʻkîb etmekdedir. On sekiz aya kadar neşv ü nemâda bir betâet nazar-ı dikkate çarpmakdadır. Süt perhîzine mukâbil çocuğa diğer gıdâların verilmesiyle çocuk hâl-i tabîʻî neşv ü nemâ münhanîsi çizmeğe başlar. 4 yaşında olup da âile nezdinde büyüyen bu çocukların faʻâliyet-i uzviyeleri, aynı yaşda olan kuvvetli çocukların faʻâliyet-i uzviyesine muʻâdildir. Hastalıklara karşı mukâvemetleri tabîʻîdir. Bun- lar arasında vilâdî verem vekâyiʻi görülmez. Çocuğu âile nezdinden ayırmakla tamâmıyla vefeyâtın önüne geçmek kâbil değildir. Sağlam âileler nezdinde büyütülen çocuklar arasında vefeyât % 6-7 olduğu hâlde herhangi bir sebeble çocuklarını vermekden istinkâf eden âilelerde vefeyât mikdârı % 82 kadar müdhiş bir yekûna bâliğ olmakdadır. İlk üç ayda âileler nezdinde çocuklardaki vefeyât mikdârı % 38 ile % 12 arasında tehâlüf etmekdedir. 3 aydan sonra vefeyât mikdârı % 5-7 adedine tevâfuk etmekdedir ki, bu aded hâl-i tabîʻîdeki çocukların vefeyâtına tevâfuk etmekdedir.