HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 63 3076 vasatda tasabbun ederek şişmekde ve ciro-graissieuse olan kışrlarını zâyiʻ etmekdedirler ve bu sûretle muhtelif zerʻ vasatlarında yapılan tecârüb-i adîde ve mütenevviʻadan sonra müvellid-i deren hâssa- sını gâib eden, fakat vücûd-ı hayvânîde antikor teşekkülüne yarayan "Bordet gencou" teʻâmülüyle müsbet netîce veren ve tüberkülin tahassulüne yardım eden bir ırk elde edilmişdir. Hâl-i hâzırda B.C.G. harfleriyle beyân edilen Bacille, Calmette, Guérin nâmıyla tevsîm edilen aşı elde edilmişdir. Bu aşı vâsıtasıyla genç danalar ve küçük çocuklar aşılanmakdadır. İlk aşı tecrübeleri 1921 senesinde Weill-Hallé ve Turpin tarafından Charité Hastahânesi'nde kü- çük çocuklar üzerine tatbîk edilmişdir. Bu aşıların sâha-i tatbîkâtı günden güne tevessüʻ etmekdedir. Fransa'da on bine yakın çocuğa aşı tatbîk edilmişdir. Muhtelif milletlerde mevcûd verem mücâdele cemʻiyetlerinin ve Fransa'da mevcûd Seine Eyâlâtı Hıfzıssıhha-i İctimâʻî Müessesâtı'nın (Office dʼH- ygiene Social de Departement de la Seine) en son istatistiklerine nazaran vâlidesi müteverrim olan çocuklarda vefeyât, hayâtın birinci senesinde yüzde 25 ve yüzde 30 nisbetinde kaydedilmekdedir. Fakat B.C.G. aşısıyla aşılanan çocuklarda müteverrim vâlidesiyle bir sene müşterek bir hâlde ve dâimî bir temâs ile yaşadığı müddetçe vefeyât yüzde 2'[yi] geçmemekdedir. Bu yüzde iki vefeyât, aşı yapılan çocukların esâsen veremli olarak doğmalarından neşʼet ediyor ve yapılan aşı muʻâfiyeti teʼmîn edemiyor. Rahmî echize-i tenâsüliyesi tederrününe mübtelâ olan vâ- lidelerin çocukları esâsen veremli olarak doğduklarından bunlardaki vefeyâtın ö[nü]ne geçmek kâbil olamıyor. Vefeyât-ı etfâli yüzde 25 ve yüzde 32'den yüzde ikiye kadar düşürmek, aşının kudret ve muʻâfiyet kuvvetini iblâğa kifâyet eder. Aşılar tamâmıyla zarardan ârîdir. Hiçbir adem-i intizâm-ı fizyolojiyeyi husûle getirmez. Bu aşının muʻâfiyet müddeti ne zamâna kadar devâm der? Bunu bilmiyoruz. Şimdilik yapabileceğimiz bu gibi veremli muhîtde bulunan çocuklarda aşıyı tekrâr etmekdir. Aşıyı nasıl kullanacağız? B.C.G. istiʻmâli gâyet basîtdir. Doğduğu günden iʻtibâren on gün zarfında ağız tarîkıyla 48 sâʻat fâsıla ile 3 defada olmak üzere mikrob müstahlebinden vermekdir. Bu müstahlebi bir kaşık süt içerisine karıştırarak memeden yarım sâʻat evvel verilecekdir. Eğer ikinci defa vücûda muʻâfiyet vermek istiyorsak, yemekden bir sâʻat evvel vermeliyiz. İlk on gün zarfında vermek üzere intihâb edişimiz bağırsakların bu zamânlarda gerek mikroblar ve gerek anti-toksinlere karşı kuvvetli bir hâs- sa-i incizâbiyesi mevcûd olduğundan ileri geliyor. Ağız tarîkıyla verdiğimiz aşı tamâmıyla tehlikeden ârîdir. Hiçbir sûretle sû-i hazm-ı miʻdevî ve miʻâî husûle getirmez. Pasteur Müessese[si]'nin ihzâr et- diği bu aşılar bir kutu derûnunda 3 aded ampulden ibâret olmak üzere pazar-ı ticârete sevk edilmişdir. Fransa'daki maternitelere, dispanserlere, veremle mücâdele cemʻiyetlerine bu ampuller gönde- rilmekdedir. [86] Buna mukâbil aşılayan zât yevmî îzâhâtı hâvî bir beyânnâmeyi doldurarak Veremle Mücâ- dele Cemʻiyetine veyâhûd Pasteur Müessesesi'ne göndermekdedir. Bu beyânnâmede: 1-Aşılanan çocuğun ismi, babasının ismi, adresi 2-Doğduğu târîh, aşıyı aldığı gün 3-Neşv ü nemâ-yı bedenîsinin taʻyîni; boy, vezn-i beden 4-Çocuğun basili hâvî muhît ile derece-i temâsı