HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 63 3079 kezleri vazʻ ve teʼsîs olunacakdır. Sâlisen, vekâyiʻ-i mühimme için bir merkez-i aslî teşkîl ve hasta ve mecrûhların nakli teʼmîn edilecekdir. Kalabalık câdde ve sokaklarda halk tarafından hayâtın her türlü vekâyiʻ ve hâdisâtına karşı mürâcaʻat edilebilecek bir telefon merkezi olmalıdır. Bunun için bir kazâ vukûʻunda halkın her câddede telefonundan istifâde edebileceği bir veya daha fazla kimseler intihâb olunmalıdır. Bu husûsda müsâʻadede bulunan hâne veya mağazanın cebhesine "Türkiye Hilâl-i Ahmeri" veya "Filân Memleket Salîb-i Ahmeri" ve bunun altına "Müstaʻcel Telefon Mürâcaʻat Mahalli" ibâre- leri yazılı bir levha taʻlîk edilecekdir. Telefon cihâzının yanına taʻlîk edilmiş bir cedvelde evvelâ mahallede mevcûd etıbbânın isim, adresi ve telefon numarası yâhûd Hilâl ve Salîb-i Ahmer etıbbâ sinekliği? 2-Hastabakıcıların ve ambülansçıların isim, adresi ve telefon numarası 3-En yakın ilk imdâd merkezinin adresi 4-İmdâd kutularının mevzûʻ bulundukları mahallerin adresleri 5-Ambülans otomobillerin adresi ve garajı *** İlk İmdâd Mevkiʻleri Az hâiz-i ehemmiyet olan vakʻa ve kazâlar için ilk imdâdı teʼmîn edebilecek bir tarzda ibtidâî ve basît ilk imdâd merkezleri teşkîl etmek lâzımdır. Bu merkezlerde küçük mikyâsda bazı dispanserler levâzımı ile lâ-ekal iki sedye bulunacakdır. İbtidâî ilk imdâd merâkizinin vezâifini bir hastabakıcı da idâre edebilecekdir. Bu vezâifin îfâsı için 4 x 5 metre tûl ve arzında bir oda kâfidir. İlk imdâd merkezleri için pek az istisnâlarından sarf-ı nazar edildiği hâlde hemen her şehir teş- kîlât-ı mevcûdeden istifâde edebilir. *** İmdâd Kutuları Husûsî evlere veya bazı müessesât-ı umûmiyeye Salîb veya Hilâl Cemʻiyetlerince kabûl edil- miş numûneye tevfîkan imdâd kutuları vazʻ edilecekdir. Ancak kutunun mevzûʻ bulunduğu binâ dâhilinde veya pek yakınında Hilâl veya Salîb-i Ahmer Cemʻiyeti'nden diplomalı erkek veya kadın bir "ambulancier" ikâmet etmiş olması şartdır. Binânın cebhesine Salîb veya Hilâl-i Ahmer'in ismi ve bunun altına "İmdâd Kutusu" ibâresi yazılı bir levha asılacakdır. ***