HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 63 3086 niyet-i hayriyenin teʼsîrât-ı mesʻûdesi derhâl görülerek bu husûsa sarf edilmek üzere evvel be-evvel Şehremâneti meʼmûrîni kâffeten nâil oldukları zammın Mart maʻâşına âid farkını teberruʻ ile hâsıl olan 4.869 liraya İzmirli Tevfik Paşa tarafından gönderilen 100 ve sâbık Karantina Meʼmûru Mösyö Badeti? tarafından teberruʻ edilen 100 ve Şehremânet-i Celîlesi icrâât-ı fâhire-i meşkûresinden olarak tahsîs edilen 12.000 ve Operatör Kemal Bey tarafından mersûl yirmi lira ile sermâye 17.394 lira ve altmış kuruşa bâliğ olmakla İstanbul merkezi Üsküdar, Beyoğlu kazâları ve şuʻabâtı reîslerini daʻ- vetle bi'l-müzâkere şuʻbeleri dâiresindeki mekâtibin muhtâcîn listeleri tertîb ve celb edilmiş ve tarz-ı tevzîʻi siyyân olmak üzere muʻâmele-i mukteziye taʻlîmât-ı mahsûsa ile karârlaştırılarak el-yevm İstanbul, Üsküdar, Kadıköy, Beyoğlu, Beşiktaş cihetlerinde min haysü'l-mecmûʻ beş bin çocuğun tegaddîsine hizmetle memleketin selâmet-i irfânına medâr-ı emniyet olacağı gibi İstanbul merkezinin şu delâleti Hilâl-i Ahmerce bir gâye-i kudsiye taʻkîb edildiğinin delîli ve memleketimizin her cihetine teşmîli arzu edilen bir numûne-i hayriyedir. Ümîd ederiz ki, erbâb-ı hayr-ı millet kuvve-i umûmiye-i müstakbeleyi teşkîl edecek nesl-i âtîye yardımı unutmazlar. Tokad Hilâl-i Ahmer Merkezi Vilâyet Hilâl-i Ahmer Meclis-i Umûmîsi, 25 Teşrîn-i Evvel [1]926 Pazartesi akşâmı Türk Oca- ğı binâsında elli altı aʻzânın iştirâkiyle inʻikâd eylemişdir. Bu münâsebetle Tokad merkezinin [1]926 senesi dokuz buçuk aylık mesâʻîsini ber-vech-i zîr derc ediyoruz. 1) [1]925 senesinde aʻzâ adedi 69 iken [1]926 senesi dokuz buçuk ayı zarfında 301 adede bâliğ olmuşdur. 2) [1]926 senesi için geçen seneki ictimâʻda kabûl edilen muhammen büdcede vâridât-ı [96] umûmiye 543 lira gösterilmiş olup şimdiye kadar tahakkuk eden mikdâr 911 lira 88 kuruşdan ibâret bulunmuş olup müfredâtı ber-vech-i zîrdir. Aʻzâ taʻahhüdâtı 208 lira elli kuruş, sadaka-i fıtr 446 lira 90 kuruş, Çiçek Günü hâsılâtı 152 lira 50 kuruş, teberruʻât-ı muhtelife 47 lira yirmi beş kuruş, şefkat pulları 20 lira on beş kuruş, gazete hâsılâtı 10 lira 95 kuruş, kutu hâsılâtı 563 kuruş, konser hâsılâtı 20 liradır. Bundan mâʻadâ Hilâl-i Ahmer'e dahi ziyâde vâridât teʼmîn etmek arzusuyla cemʻiyet menfaʻatine tertîb edilen sonbahâr at koşusu 8 Teşrîn-i Evvel [1]926'da icrâ edilmiş, 1.785 lira 22 kuruş hâsılâtdan ikrâmiye ve masârıf-ı tertîbiye baʻde't-tenzîl 1.089 lira 65 kuruş hâsılât-ı sâfiye teʼmîn edilmiş, âdî ve fevkalâde vâridât yekûnu 2.697 lira yirmi kuruşa bâliğ olmuşdur. 3-Meclis-i umûmîce kurʻa keşîdesiyle çıkarılan beş ve inhilâl eden üç ki, cemʻan sekiz aʻzâlık için icrâ kılınan intihâbda Sıhhiye Müdürü Doktor Remzi, Sıhhiye Kâtibi Kadri, Hükûmet Tabîbi Vasfi (ibkâen), Gençler Birliği Reîsi İsmail Hakkı, Dizdârzâde Âsaf, Ahz-ı Asker Kalemi Reîsi Mî- ralây Nuri Beylerle Belediye Kâbilesi Mürüvvet Rıza, Horuş Kız Mektebi Başmuʻallimi Nuriye Sabri Hanımlar birinci derecede ihrâz-ı ekseriyet eylemişlerdir. Bu sûretle on beşe iblâğ edilen heyʼet-i merkeziyece Sıhhiye ve Muʻâvenet-i İctimâʻiye Müdürü Doktor Remzi Bey reîs-i evvelliğe, Ahz-ı Asker Kalemi Reîsi Mîralây Nuri Bey reîs-i sânîliğe, Maʻârif Başkâtibi Nuri Bey muhâsibliğe ve Tah- rîrât Başkâtibi Hüsnü Bey veznedârlığa ve Sıhhiye Kâtibi Kadri Bey kâtibliğe intihâb edilmişlerdir. _______________