HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 63 3087 Salîb-i Ahmer Kongresine İştirâkimiz İsviçre'nin Cenevre şehrinde Beynelmilel Salîb-i Ahmer Komitesi ile Cemʻiyet-i Akvâm Salîb-i Ahmer Heyʼet-i İttihâdiyesi münâsebât-ı hâzıra ve müstakbelesini tesbît ve takrîr etmek üzere İs- viçre'nin Bern şehrinde 16 Teşrîn-i Sânî'de inʻikâd edecek olan kongreye hükûmet ve Hilâl-i Ahmer murahhasları olarak Bern Sefîri Münir Bey'le merkez-i umûmî aʻzâsından İstanbul Mebʻûsu Hakkı Şinasi Paşa iştirâk eylemişlerdir. _______________ Kanada'da Türk Himâye-i Etfâli Hakkında Hitâbe Toronto şehrinde Süt Anneler Teşkîlâtı'nı muvaffakiyetle idâre eden Çocuk Yurdu Merkezi'nde verilen çayı müteʻâkib erkân-ı tahrîriyemizden Doktor Zeki Nâsır Bey tarafından Türkiye'de çocuk ve- feyâtı ve buna karşı yapılmış ve yapılacak mücâdele ve bilhâssa Himâye-i Etfâl Cemʻiyeti'nin mesâʻî-i dâime ve meşkûresinden bâhis bir hitâbede bulunu[l]muş ve muvaffakiyet temennî edilmişdir. Ontario vilâyetinde bu ve buna mümâsil mücâdelât semeresi olarak yirmi beş sene zarfında çocuk vefeyâtı binde 192'den 61'e düşmüşdür. _______________ Edouard Naville Cenevre Beynelmilel Salîb-i Ahmer Merkez Komitesi aʻzâ-yı fahriyesinden ve sâbık Reîs Vekîli Mösyö Edouard Na- ville, 17 Teşrîn-i Evvel'de [97] 82 yaşında olduğu hâlde vefât etmişdir. Edouard Naville, Mısır-ı kadîm âsâr ve ahvâl-i târîhiye- sinde cihân-şümûl bir şöhrete mâlik zamânımızın en yüksek bir âlimi idi. Büyük ölünün nâm-ı ebediyet-karînini kemâl-i hürmetle selâmlar ve merkez komitesine hissiyât-ı taʻziyetkârânemizi takdîm ederiz. _______________ Kanada'da Türk Maʻârif ve Mektebleri Hakkında Bir Nutuk Taʻtîl devresinden bi'l-istifâde umûr-ı sıhhiye ve ictimâʻi- yesini tedkîk ve tetebbuʻ etmek üzere Kanada'da seyâhatde bulunan erkân-ı tahrîriyemizden Doktor Zeki Nâsır Bey bu kere High Park'da müesses ve devre-i tedrîsiyesi Mayıs-Teş- rîn-i Evvel gâyesine kadar devâm eden Açık Havâ Orman Mektebi'ni ziyâreti esnâsında Türk maʻârifi, terbiye ve tedrîs Cenevre Beynelmilel Merkez Komitesi sâbık Reîs Vekîli müteveffâ Edouard Naville Feu Edouard Naville, vice président et doyen du Comité International de la Croi[ssant]-Rouge