HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 63 3088 husûsâtındaki inkılâbâtı ve bilhâssa kızlarımızın asrî maʻârif ve ictimâʻî terbiye cihetinden hârikulâde terakkiyâtı hakkında iʻtâ-yı maʻlûmât ederek sâmiʻîni hayretlere gark etmiş ve alkışlanmışdır. _______________ Bir Ufûl-i Hazîn İstanbul Hilâl-i Ahmer Merkezi Tahrîrât Kâtibi Cevdet Fehim Bey'in hemşîresi hanımefendi bir kazâ-yı nâgehânî netîcesinde yapılan birçok ihtimâm ve tedâvîye rağmen irtihâl etmişdir. Cevdet Bey'e ve mâtemzede âilesine beyân-ı taʻziyet ederiz. _______________ Adana Hilâl-i Ahmer Merkezi Dispanser Faʻâliyeti 1926 Eylül ayı zarfında Adana Dispanseri'ne 1.001 hasta mürâcaʻat etmişdir. Teşrîn-i Evvel'de 814 hastanın muʻâyeneleri icrâ ve muʻâleceleri meccânen verilmişdir. Bu hastadan ayakda tedâvîsi mümkün olamayan 411 hasta mahallî belediyesi hesâbına memle- ket hastahânesine sevk edilmişlerdir. _______________ Teşekkür İstanbul Hilâl-i Ahmer Merkezi'nden: 1-Gülhane Serîriyât-ı Hâriciye Muʻallimi M. Kemal Bey tarafından ilk tahsîlde bulunan gıdâsız çocukların tegaddiyesine sarf olunmak üzere cemʻiyetimize yirmi lira teberruʻ olunmuşdur. 2-Bulgaristan'da Kızanlık kasabasında Hüsnü [98] Beyzâde Ali Bey tarafından da merkezimize yirmi beş lira teberruʻ edilmişdir. Afrika-yı Cenûbî'de Vereeniginge şehrinde mukîm eşrâfdan Seyyid Mehmed Sıddık Bey'in mahdûmu Mr. Zakii, Sahale Zadah S. M. Siddik Immam Jame Masgid de la vile de Vereeniginge Transval, lequel a fait un don à notre société