HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 63 3089 3-İsmini söylemek istemeyen bir Rus madamı tarafından merkezimize bin kuruş teberruʻ edil- mişdir. _______________ Seyyid Muhammed Sıddık Bey'in Mahdûmu Afrika-yı Cenûbî'de Vereeninging'de mütemekkin Seyyid Muhammed Sıddık Bey'in mahdûmu merkez-i umûmîmize 13 İngiliz lirası, 16 şilin ve 6 pens irsâl etmek sûretiyle ibrâz-ı âsâr-ı semâhat etmişdir. _______________ Detroit Hilâl-i Ahmer Merkezi Riyâseti'nden vârid olan 11 Teşrîn-i Evvel [1]926 târîhli mektûb sû- retidir. Efendim, Cemʻiyetimiz Detroit Hilâl-i Ahmer Merkezi sandık emîni Dersim, Mamuretülaziz vilâyeti, Hozat sancağı, Dere nâhiyesinin Şuşenk karyeli Hızır bin Ahmed Efendi öteden beri cemʻiyetimizde îfâ-yı hüsn-i hizmet eylemekde olmakla berâber senelerden beri gurbet hayâtında sırf işçilik ve alın teriyle kazandığı nafakasının bir kısm-ı mühimmini de hiçbir vakit hâtır u hayâlinden çıkarmadığı vatan-ı azîzi [99] muhtâcîne muʻâvenet olmak üzere muhtelif nâm ve vâsıtalarla muhtelif târîhlerde Türkiye'mize irsâl etmek hamiyet-perver ve fedâkârlığında bulunduğundan bu mühim meblağdan târîhleri mazbût olanları ber-vech-i zîr tesbît ederek bu numûne-i hamiyet ıtlâkına sezâ zâtın îsârından bir zevk duyduğu katre-i semâhati bir daha nazar-ı ıttılâʻınıza arz eylerim, efendim 29 Teşrîn-i Evvel Cumhûriyet Bayramı'nda Konya'da Hilâl-i Ahmer menfaʻatine rozet tevzîʻ eden bir grup Groupe distribuant les fleurettes du C.R.