HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 63 3105 Kısm-ı Mâlî Estonya Salîb-i Ahmeri'nin vâridât-ı seneviyesi 43.500.000 Estonya markıdır. Bu meblağ teber- ruʻât ve iʻânât ile hükûmetin şimendifer biletlerine vazʻ etdiği resm ve oyun kâğıdları imtiyâzı, vergi ve piyangolardan ayrıca cibâyet olunan rüsûmdan hâsıl olmakdadır. _______________ Danimarka Danimarka'da tahlîsiye heyʼetinin târîh-i teşekkülü olan 1906 senesinden beri son derece tekâ- mül eden bu müessesenin tekmîl Danimarka'da bugün birçok şuʻabâtı bulunmakdadır. Müessese-i mezkûre tahlîsiye usûllerini ilmî bir şekle vazʻ ederek en asrî vesâiti tatbîk etmekde olup tedrîsât için de mebânî-i mahsûsa yapdırmışdır. Tahlîsiye heyʼetleri yangın, feyezân ve kazâ vukûʻunda her zamân için hizmete hâzır bulun- makdadır. Ambülans hidemâtı, pansumanların, ilk imdâd ve muʻâvenete muktezî bi'l-cümle levâzımın tevzîʻâtını da Danimarka tahlîsiye heyʼetleri îfâ etmekdedir. *** Danimarka Salîb-i Ahmeri teessüsünün ellinci devr-i senevîsi münâsebetiyle bir Hastabakıcılar Yurdu teʼsîsine sarf edilmek üzere 10.000 kron tahsîs etmişdir. *** Danimarka Salîb-i Ahmer Mecmuʻası 'nın Eylül nüshasında cemʻiyetin 1925 senesi faʻâliyeti hakkında zîrdeki maʻlûmât mündericdir: Aʻzânın mikdârı 39.816 Şuʻabâtın adedi 391 Gençlik Salîb-i Ahmer şuʻbesi 4 Gençlik Salîb-i Ahmeri aʻzâsı 209 Teberruʻât 83,376 kron Yekûn-ı vâridât 265.546 kron [110] İlk imdâd kursları 62 (1.918 talebe) İlk imdâd takımları 26 (1.626 aʻzâ) Çocuk bakım dersleri 16 (215 talebe) Salîb-i Ahmer hastabakıcıları 54 Otomobil ambülansları 26 Demirbaş eşyâ anbârları 170