HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 63 3106 Letonya Letonya Salîb-i Ahmeri 12 Eylül'den 19 Eylül'e kadar bir hıfzıssıhha propaganda haftası tertîb etmişdir. Programda hıfzıssıhha meşherleri, tabâbet-i vâkıye konferansları görülmekdedir. Konferansları istimâʻ etmek üzere gelenlere hıfzıssıhhaya dâir kaleme alınmış birçok risâleler tevzîʻ olunmakdadır. Bunlardan ahîren neşir ve tevzîʻ olunanlar Verem , Süt , Başın Temizliği 'dir. Letonya Salîb-i Ahmeri'nin aʻzâ-yı sınâʻiye iʻmâlâthânesi husûsî dârüssınâʻalara fâik ve fiyâtça % 30'dan % 50'ye kadar daha ucuzdur. İlk imdâd ve muʻâvenet için Letonya Salîb-i Ahmeri polis meʼmûrlarına mahsûs dersler tertîb etmişdir. Etıbbâ tarafından verilen bu derslerin taʻlîm ve tatbîkinde hastabakıcılardan istifâde edil- mekdedir. Letonya Salîb-i Ahmeri mekteb hıfzıssıhhasına ve mekteblerin hayâtına dâir muʻallimlere mah- sûs ayrıca kurslar da teʼsîs etmişdir. _______________ Panama Panama Salîb-i Ahmeri'nin mesâʻî ve icrâât-ı muhtelifesi meyânında "çocuk bakımı"na verdiği ehemmiyet bilhâssa nazar-ı dikkati celb etmekdedir. _______________ Şili 1923 Japon hareket-i arzında Salîb-i Ahmer imdâd faʻâliyeti gösteren bir film, Japon Salîb-i Ahmeri tarafından Şili Salîb-i Ahmeri'ne ihdâ edilmişdir. *** Hastalığa karşı sigorta olmak mecbûriyeti hakkında 8 Eylül 1924 târîhinde neşrolunan kânûnda kadın işçilerin haml esnâsında ve lohusalıklarında muʻâvenet-i tıbbiyeye ve çocuğun tevellüdüne te- kaddüm ve tevellüdünü taʻkîb eden ikişer hafta zarfında muʻâvenet-i nakdiyeye mazhar olacaklarına ve çocuğu irzâʻ etdirdiği müddetçe aldığı yevmiyenin bir rubʻu "prim" olarak vâlideye iʻtâ olunması- na dâir bir kayıd vazʻ edilmişdir. _______________ Amerika'da Salîb-i Ahmer Tahlîsiye Dersleri Amerika Salîb-i Ahmeri tarafından Haziran'ın ilk on beş günü için tertîb edilen ilk imdâd ve tahlîsiye derslerini taʻkîb edenlerin mikdârı 1.000 kişiye bâliğ olmuşdur.